ගෝඨාභය රාජපක්ෂ ඇතුළුව උතුරේ යුද්ධයට නායකත්වය දුන් හමුදා සෙන්පතියන් හට විදේශීය රටවලදී යුද අපරාධ නඩු පැවරිමේ අවදානමක් මතුව තිබේ.
හිටපු ආරක්ෂක ලේකම්වරයා හට ඇමරිකාවේදී නඩු ගොණු කිරිමෙන් අනතුරුව තවත් රටවල් ගණනාවක ජිවත් වන වින්දිතයන් ඔහුට විරුද්ධව නඩු පැවරීමට විමසා ඇති බව සත්‍යය හා යුක්තිය සඳහා වන ජාත්‍යන්තර ව්‍යපෘතිය (ITJP) සඳහන් කරයි.
ගෝඨාභය රාජපක්ෂට එරෙහිව විදේශයක පවරන ලද මුල්ම සිවිල් නඩු සේ සැලකෙන බව හවුස්ෆෙල්ඩ් ජාත්‍යන්තර නීතිඥ ආයතනය හා එක්ව රෝයි සමාදානම් වෙනුවෙන් නඩු පැවරූ ITJP විධායක අධ්‍යක්ෂිකා යැස්මින් සූකා ලන්ඩනයේදී මාධ්‍යවේදීන් අමතා පැවසුවාය.
වධහිංසාවට වගකිව යුතු ඕනෑම අයකු පැමිණි අවස්ථාවක ඇමරිකා එක්සත් ජනපදය තුල මෙන්ම තවත් බොහෝ රටවලදීත් නඩු පැවරීමේ හැකියාවක් ඇති බව ගෝඨාභය රාජපක්ෂට එරෙහිව නඩු පැවරු නීතිඥ ස්කොට් ගිල්මෝර් කියා සිටියේය.
වධහිංසාවට වගකිව යුතු ඕනෑම අයකු පැමිණි අවස්ථාවක ඇමරිකා එක්සත් ජනපදය තුල මෙන්ම තවත් බොහෝ රටවලදීත් නඩු පැවරීමේ හැකියාවක් ඇති බව නීතිඥවරයා වැඩි දුරටත් පෙන්වා දුන්නේය.
ගෝඨාභය රාජපක්ෂ අතට බාර දෙන ලද නොතීසිය සම්බන්ධයෙන් ඔහු විසින් සති තුනක් ඇතුලත වගඋත්තර බැඳිය යුතු බව ද කැනඩා වාසී දෙමළ රෝයි සමාදානම් වෙනුවෙන් සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) සමග එක්ව කැලිෆෝනියා දිස්ත්‍රික්කයේ එක්සත් ජනපද දිසා අධිකරණයේ නඩුවක් ගොනුකළ හවුස්ෆෙල්ඩ් ජාත්‍යන්තර නීති සමාගමේ නීතිඥ ස්කොට් ගිල්මෝර් ප්‍රකාශ කළේය.
Facebook Comments
