හමුදාව වාඩිලා සිටින පුද්ගලික ඉඩම් කඩිනමින් ජනතාවට

හමුදාව විසින් වාඩිලා ගෙන සිටි පුද්ගලික ඉඩම් වලින් කඳවුරු ඉවත් කර එම ඉඩම් හිමිකරුවන් වෙත ලබා දීමට ජනාධිපතිවරයාගේ අවධානය යොමුව ඇත.

ජනාධිපති මෛත්‍රීපාල සිරිසේන සහ විපක්ෂ නායක ආර්.සම්බන්දන් අතර පැවති සාකච්ඡාවකදී කඩිනමින් එම ඉඩම් නිදහස් කර දෙන බවට ජනාධිපතිවරයා පවසා තිබේ.

මෙම හමුව පැවැත්වෙන මොහොතේ හමුදාපතිවරයා අමතා ඇති ජනාධිපතිවරයා මේ පිළිබඳව සොයා බලා පියවර ගන්නා ලෙස හමුදාපතිවරයාට පවසා ඇතැයි සිලෝන් ජර්නල්ස් වෙත වාර්තා වේ.

හමුදාව වාඩිලා සිටින පුද්ගලික ඉඩම් වලින් හමුදාව ඉවත් කර හැකි ඉක්මනින් එම ඉඩම් ජනතාව වෙත ලබා දෙන බවට හමුදාපතිවරයා ප්‍රකාශ කර ඇති අතර ඒ සඳහා යම් කාලයක් ගත වනු ඇති බවටද පවසා ඇත.