ඉදිරියේදී සිදු කිරීමට නියමිත කැබිනට් සංශෝධනයේ දී තමාට ලබා දෙන ඕනෑම අමාත්‍යාංශයක් බාර ගෙන ඉතා හොඳින් වැඩ කරන බව සෞඛ්‍ය ඇමතිවරයා පවසනවා.
රුධිර පාරවිලයන සේවාව දීප ව්‍යාප්තව ක්‍රියාත්මක කිරීමෙි අරමුණින් දිවයින පුරා ස්ථාපිත කළ රුධිර පාරවිලයන මධ්‍යස්ථාන 19 න්, 07 වන මධ්‍යස්ථාන සෞඛ්‍ය, පෝෂණ හා දේශිය වෛද්‍ය අමාත්‍ය දොස්තර රාජිත සේනාරත්න මහතාගේ ප්‍රධානත්වයෙන් ඊයේ (02) පෙරවරුවෙි වවුනියාව දිස්ත්‍රීක් මහ රෝහලේ දී විවෘත කිරීමට එක්වෙමින් ඔහු මේ බව පැවසීය.
තමන්ව සෞඛ්‍ය අමාත්‍ය ධුරයෙක් ඉවත් කිරීමට කුමන්ත්‍රණයක් ක්‍රියාත්මක බවත් ඒ සඳහා දුම්කොළ සමාගම් හා ඖෂධ මාෆියාවට සම්බන්ධ පුද්ගලයින් සහය දෙන බව ඇමති රාජිත සේනාරත්න මීට ඉහතදී ප්‍රකාශ කර තිබුණී.
“ඉදිකිරීම්, ඉංජිනේරු, ධීවර හා ජලජ සම්පත් හා වර්තමානයේ සෞඛ්‍ය අමාත්‍යධූරයෙත් හොදින් වැඩ කරනවා. අලුත් තනතුරක් ලැබුනත් එහි වැඩකිරීමටත් මම සුදානම්.” යැයි ඇමති රාජිත සේනාරත්න කියා සිටී.
ව්‍යවස්ථා සංශෝධනය පිළිබදව මාධ්‍යවේදීන් නැගූ ප්‍රශ්න වලට පිළිතුරු ලබාදුන් සෞඛ්‍ය අමාත්‍යවරයා ප්‍රකාශ කළේ “මම විදේශගත වී ඊයේ රාත්‍රීයේ තමයි ලංකාවට පැමිණියේ. මම විදේශගතවීමට ප්‍රථම ජනාධිපතිවරයා සමග ජනමත විචාරණය පිළිබදවත් සාකචිඡා කළා. එහිදී තීන්දු තීරණ කිහිපයක් ගත්තා. ජනාධිපතිවරයා අග්‍රාමාත්‍යවරයා සහ සියළු දෙනා සාකචිඡා මාර්ගයෙන් පිළිගත හැකි විසදුමට ඉදිරීයේ දී පැමිණේවි.” යනුවෙනි.
Facebook Comments
