මන්නාරමේ බහුජන ක්‍රියාධරයකු මේ වසර තුළ දෙවැනි වතාවටත් කොළඹ පිහිටි ත්‍රස්ත මර්දන හා විමර්ශන කොට්ඨාශයේ මූලස්ථානය වෙත කැදවා ප්‍රශ්න කර තිබේ.
දෙමළ ජාතික ප්‍රජාවේ ජීවත්වීමේ අයිතිය සඳහා වූ සංවිධානයේ සභාපති, එස්.වී. සිවකරන් ප්‍රදේශයේ මාධ්‍යවේදීන්ට පවසා ඇත්තේ අගෝස්තු 15 වැනි දින කොළඹ පිහිටි ත්‍රස්ත මර්දන හා විමර්ශන කොට්ඨාශය තමන්ගෙන් පැය හතරක කාලයක් ප්‍රශ්න කළ බවයි.
තමන් සම්බන්ධයෙන් මාධ්‍ය තුළ ප්‍රචාරය වන පුවත් හේතු කොට ගෙන එම කැදවීම සිදු කර ඇතිබව පවසන සමාජ ක්‍රියාධරයා පවසන්නේ එම පුවත් සත්‍ය තාවයෙන් තොර බවයි.
රජයේ ආරක්ෂක අංශ විසින් සිවිල් සංවිධාන ක්‍රියාධරයන්ට තර්ජනයක් වන මේවැනි ආකාරයේ කැදවීම් දිගින් දිගටම සිදු කළත් දෙමළ ජනතාව සහ සමාජය වෙනුවෙන් සිදු කරන වැඩ කොටස දිගටම සිදු කරන බවත් ඔහු පළාත් බද මාධ්‍යවේදීන් සමග පවසා තිබේ.
2022 පෙබරවාරි 18 දා එම ඒකකය විසින්ම ඔහුව කොළඹට කැඳවා පැය 5ක කාලයක් ප්‍රශ්න කර තිබුනි. එහිදී ඔහුගේ සංවිධානයට අයත් සියළුම ලිපි ලේඛන රැගෙන එන ලෙස ඔහුට ලිඛිත දැනුම් දීමක්ද කර තිබුනි.
“රහස් පොලිසිය, යුද හමුදා, නාවික හමුදා සහ ගුවන් හමුදා බුද්ධි අංශ විසින් මා ගැන සකස් කරන ලද ෆයිල් ඒ අය අත තිබුනා,” යි සිවකරන් පැවසු බව ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදියෝ (JDS) පෙබරවාරියේදී වාර්තා කර තිබුනි.
Facebook Comments
