වරෙන්තු ලබා සිටි හිටපු සුව ඇමැතිවරයා අපරාධ පරීක්ෂණ දෙපාර්තුමේන්තුවට අත් අඩංගුවට ගැනීමෙන් පසුව රක්ෂිත බන්ධනාගාර ගත කර තිබේ.
කොළඹ පුද්ගලික රෝහලක ප්‍රතිකාර ලබමින් සිටි රාජිත සේනාරත්න මන්ත්‍රීවරයා 27 සිකුරාදා රහස් පොලිසිය විසින් රෝහලේදී අත් අඩංගුවට ගෙන අධිකරණයට දැනුම් දුන් අතර රෝහලට පැමිණි කොළඹ අතිරේක මහේස්ත්‍රාත් ශලනි පෙරේරා විසින් හිටපු ඇමැතිවරයා දෙසැම්බර් 30 දක්වා රෝහලේ සිටියදීම බන්ධනාගාර භාරයට පත් කිරීමට නියෝග කරන ලදී.
අපරාධ පරික්ෂණ දෙපාර්තමේන්තුවේ නිලධාරීන් විසින් අධිකරණයට ඒ පිළිබඳව දැනුම්දෙමින් කියා සිටියේ සැකකරු ඇප මත මුදාහැරියහොත් විමර්ශනවලට බාධා සිදුවන බැවින් ඔහු රක්ෂිත බන්ධානගාරගත කරන ලෙසයි.
කෙසේ වෙතත් ප්‍රතිකාර ලබන හිටපු ඇමැතිවරයා රෝහල තුලදීම බන්ධනාගාර භාරයේ තබා ගන්නා ලෙසට බන්ධනාගාර අධිකාරිවරයා වෙත විනිසුරුවරිය නියෝග කර ඇති බව රාජිත සේනාරතන්ගේ ප්‍රකාශකයෙක් සිලෝන් නිව්ස් වෙත පැවසීය.
ඉකුත් ජනාධිපතිවරණ සමයේ පුද්ගලයින් දෙදෙනෙකු යොදා ගනිමින් සුදු වෑන්වලින් පුද්ගලයින් පැහැරගෙන යාම සම්බන්ධයෙන් මාධ්‍ය හමුවක් පවත්වා ඇති හිටපු ඇමැතිවරයා දණ්ඩ නීති සංග්‍රහයේ ප්‍රතිපාදන සහ ජනාධිපතිවරයා තෝරාපත් කර ගැනීමේ පනත යටතේ වරදක් සිදුකර ඇති බවට චෝදනා කරමින් ඔහු අත්අඩංගුවට ගැනීමට දෙසැම්බර් 24 වනදා නිතිපතිවරයාගේ නියෝග යටතේ අපරාධ පරීක්ෂණ දෙපාර්තුමේන්තුව වරෙන්තුවක් ලබා ගත්තේය.
වරෙන්තුකාර රාජිත සේනාරත්න අත් අඩංගුවට ගැනීමට අපරාධ පරීක්ෂණ දෙපාර්තුමේන්තුව ගත් උත්සාහය කිහිපවරක්ම අසාර්ථක වුයේ ඔහු සොයා ගැනීමට නොහැකි වීම නිසාවෙනි.
Facebook Comments
