TNA එජාප හොර ගිවිසුම් ප්‍රචාරයේ අරමුණ ජාතිවාදය ඇවිස්සීම – ජවිපෙ

0
1307
Ivory Agency Sri Lanka
wedding people

රනිල් වික්‍රමසිංහට අගමැති ලෙස විශ්වාසය පල කිරීමට දෙමළ ජාතික සන්ධානය කොන්දේසි පනවා ඇතැයි රචාර ගෙනයාම රටේ ජාතිවාදය ඇවිස්සීමේ අරමුණ ඇතිව සිදුකරන බව ජනතා විමුක්ති පෙරමුණ චෝදනා කරයි.

තමන් සමග හවුල්වන TNA මන්ත්‍රීවරුන් අගය කරන මහින්ද රාජපක්ෂ හිතවාදීන්, ඔවුන් එක්සත් ජාතික පක්ෂයට සහාය දෙනවිට කොටි ලෙසින් ලේබල් කර, හංවඩු ගැසීම දෙබිඩි පිළිවෙතක් බවයි ජවිපෙ ප්‍රචාරක ලේකම්වරයා පෙන්වා දෙන්නේ.

“දෙබිඩ්ඩන්ගේ කතාව තමයි TNA එකේ මන්ත්‍රී කෙනෙක් තමන්ට ගන්නකොට ඒක හොඳයි. TNA14 දෙනෙක් අනික් පැත්තට දෙනකොට ඒක කොටි. ඒක අපි පරාජය කරන්න ඕනේ.” යැයි විජිත හේරත් මන්ත්‍රීවරයා කියා සිටියේ ජනාධිපතිවරයාට එරෙහිව ශ්‍රේෂ්ඨාධිකරණය දුන් තීන්දුව සම්බන්ධයෙන් මාධ්‍යවේදීන් හමුවේ අදහස් දක්වමිනි.

ගිවිසුමක් ලෙසින් ප්‍රචාරයට පත් කර ඇති ව්‍යාජ ලියවිල්ලේ සඳහන් වන කොන්දේසිම ඉටු කරන බවට රාජපක්ෂවාදීන් ප්‍රසිද්ධියේ ප්‍රකාශ කර ඇති බව ද ඔහු සිහිපත් කර දුන්නේය.

Facebook Comments