දිවුලපිටිය කොවිඩ් 19 ආසාදිත කාන්තාවගේ ආශ්‍රිතයින් 69 දෙනෙකුට කොරෝනා වයිරසය ආසාදනය වී ඇතැයි තහවුරු වී තිබේ.
එම ආසාදිතයින් දිවුලපිටියේ කාන්තාව සේවය කළ ඇඟලුම් ආයතනයේ සේවක සේවිකාවන් බව කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ලුතිනන් ජෙනරාල් ශවේන්ද්‍ර සිල්වා 05 සඳුදා මාධ්‍ය වෙත කියා සිටියේය.
දිවුලපිටියේ පදිංචි 39 හැවිරිදි කාන්තාවකට කොවිඩ් 19 ආසාදනය වී ඇතැයි ඔක්තෝම්බර් 04 වනදා හඳුනාගත් අතර ඇයගේ 16 හැවිරිදි දියණිය ද ආසාදිතයෙකු බවට එදිනම හඳුනාගෙන තිබුනි.
දෙමාසයකට පසු සමාජයෙන් කොවිඩ් 19 රෝගියෙක් සොයා ගැනිමෙන් පසුව ඇයගේ ආශ්‍රිතයන් 400කට වැඩි පිරිසක් නිරෝධායනයට ලක් කිරීමට පියවර ගත් බවයි සෞඛ්‍ය අංශ නිවේදනය කළේ.
Facebook Comments
