නව ආණ්ඩුක්‍රමයක් අවශ්‍ය සුළුතරයේ ප්‍රශ්න විසඳීමට පමණක් නොවේ – විසාකේස

0
1104
Ivory Agency Sri Lanka
wedding people

ශ්‍රී ලංකාවට මේ මොහොතේම නව ආණ්ඩුක්‍රමයක් අවශ්‍ය වන්නේ සුළුතර ජන කොටස් වල ප්‍රශ්න විසඳීමට පමණක් නොවන බව නීතිවේදියෙක්, චිත්‍රපට අධ්‍යක්ෂවරයෙක් සහ ගත්කතුවරයෙක් වන විසාකේස චන්ද්‍රසේකරම් පෙන්වා දෙයි.

ආණ්ඩුක්‍රම ව්‍යවස්ථා සංශෝධන උපන් ගෙයිම මරා දැමීමට දේශපාලඥයින් ඉතා කපටි ලෙස ෆෙඩරල් යෝජනා වැන්නක් ඉදිරියට දාම ඇති අවස්ථා තිබෙන බව මෙන්ම බලය බෙදීමේ යෝජනා වලට අගතිගාමී කොටස් වලින් විරෝධය එල්ල වන විට දේශපාලඥයින් එම සංශෝධන වෙනුවෙන් පෙනී නොසිටිනවා පමණක් නොව සමස්ථ සංශෝධන ක්‍රියාවලියම අකුලා ගන්න බවටයි ඔහු චෝදනා කරන්නේ.

මේ හේතුවෙන් රට දැවැන්ත දේශපාලන, සාමාජීය හා ආර්ථික ව්‍යසනයන් වලට මුහුන පාමින් සිටින බැව් පවසන නීතිවේදි විසාකේස සුළුතරයන්ට අසමාන ලෙස සැලකීම හැරුන කල රටේ ඇති බරපතලම ප්‍රශ්ණය නම් නුගත් දේශපාලඥයන් විසින් සිදුකරන දුර්වල රාජ්‍ය කලමණාකරණය නිසා ඇති වී තිබෙන දරිද්‍රතාවය, දුෂණය හා නීතියේ ආධිපත්‍යය බිඳ වැටීම බවට අවධාරණය කර සිටියේ නව ආණ්ඩුක්‍රම ව්‍යවස්ථාව සම්බන්ධව සිලෝන් ජර්නල්ස් සමඟ සාකච්ඡාවකට එක්වෙමිනි.

‘රජ සහ ඝාතකයා’

මෙම විනාශයෙන් මිදීමට නම් යෝජිත නව ව්‍යවස්ථාව තුළින් ජනාධිපති ධූරය නාම මාත්‍රික කොට අගමැති ඇතුළු කැබිනට් මණ්ඩලයට බලය පැවරීම, සමානුපාතික ඡන්ද ක්‍රමය අහෝසි කොට මනාම ක්‍රමයක් නැති මුරුසිය, නවසීලන්තය හෝ ඕස්ට්‍රේලියාලිව වැනි රටවල පවතින මිශ්‍ර ඡන්ද ක්‍රමයකට මාරු වීම, රාජ්‍ය සේවා කොමිසම් සභාව සම්පූර්ණයෙන්ම දේශපාලඥයින්ගේ ග්‍රහණයෙන් මුදවා ගෙන ස්වාධීන කිරීම සහ අධිකරණය පමණක් නොව රාජ්‍ය අභිචෝදක එනම් නීතිපතිගේ කටයුතුද සම්පුර්ණයෙන්ම ස්වාධීන කළ යුතු බවටයි ඔහු යෝජනා කර සිටින්නේ.

වෙස්මිනිස්ටර් ආභාෂය මෙන්ම ප්‍රංශ ජනාධිපති ආභාෂයත් අත හැර ඉතා නූතන ආණ්ඩුක්‍රම ව්‍යවස්ථාවක් සදා ගත යුතු බවට විශ්වාසය පළ කරන චිත්‍රපට අධ්‍යක්ෂවරයා තව වසර 40 කට හෝ 50 කට පසු එළඹෙන නූතන සමාජ, දේශපාලන, ආර්ථික හා තාක්ෂණික විප්ලවයන් වලට අපට මුහුන දීමට හැකි වන්නේ එවිට පමණක් බවයි පෙන්වා දෙන්නේ.

නව ව්‍යවස්ථාවේ අකෘතිය සම්බන්ධව ඔහු විසින් රචිත ‘රජ සහ ඝාතකයා’ නව කතාවෙන් ඉදිරිපත් කළ බව සිහිකරන ගත්කතුවර විසාකේස ඒ පිළිබඳව සමාජයේ කථිකාවක් ඇති නොවීම කණගාටුවට කරුණක් බවයි සිලෝන් ජර්නල්ස් හා වැඩි දුරටත් කියා සිටියේ.

Facebook Comments