මහ බැංකු බැඳුම්කර වංචාව සොයා බැලිමට පත් කල කොමිසමේ කාලය දිර්ඝ කරයි

0

මහ බැංකුවේ බැඳුම්කර නිකුත් කිරීමේදී සිදුව ඇති වංචාව සොයා බැලීම සඳහා පත් කළ ජනාධිපති පරීක්ෂණ කොමිසමේ කාලය අද (27) සිට තවත් මාස තුනක් දක්වා දීර්ඝ කිරීමට ජනාධිපති මෛත්‍රීපාල සිරිසේන විසින් කටයුතු කර තිබේ.

ජනාධිපති පරීක්ෂණ කොමිසමේ කාලය තවත් මාස තුනකට දීර්ඝ කරන්නැයි එම කොමිසමෙන් කළ ඉල්ලීමකට අනුව ජනාධිපතිවරයා විසින් කොමිසමේ කාලය මෙලෙස දීර්ඝ කොට ඇති බවයි වාර්තා වන්නේ.

2015 පෙබරවාරී මස පළමුවැනිදාත් 2016 මාර්තු මස 31 වැනිදාත් අතර කාලයේ වත්මන් රජය යටතේ භාන්ඩාගාර බැඳුම්කර නිකුත් කිරීමේදි සිදු වු බව කියන වංචාව පිළිබඳව සොයා බැලීම සඳහා මෙම ජනාධිපති පරීක්ෂණ කොමිසම ජනාධිපතිවරයා විසින් පත් කල අතර ශ්‍රේෂ්ඨාධිකරණ විනිසුරුවරුන් වන කේ.ටී. චිත්‍රසිරි, ප්‍රසන්න ජයවර්ධන සහ හිටපු නියෝජ්‍ය විගණකාධිපති වේලුපිල්ලේ කන්දසාමි මෙම කොමිසමේ කොමසාරිස්වරුන් ලෙස පත් කොට තිබේ.

Facebook Comments