වරෙන්තුව ආපසු කැඳවන්නයි රාජිත අධිකරණයෙන් ඉල්ලයි

0

තමන් අත් අඩංගුවට ගැනීමට නිකුත් කරන ලද වරෙන්තුව ආපසු කැඳවන්නයි හිටපු සුව ඇමැතිවරයා අධිකරණයෙන් ඉල්ලා තිබේ.

සිය නීතිඥන් මාර්ගයෙන් 26 බ්‍රහස්පතින්දා අධිකරණයට මෝසම් ඉදිරිපත් කරමින් රාජිත සේනාරත්න හිටපු ඇමැතිවරයා මෙම ඉල්ලීම කර ඇත.

ඉකුත් ජනාධිපතිවරණ සමයේ පුද්ගලයින් දෙදෙනෙකු යොදා ගනිමින් සුදු වෑන්වලින් පුද්ගලයින් පැහැරගෙන යාම සම්බන්ධයෙන් මාධ්‍ය හමුවක් පවත්තා ඇති හිටපු ඇමැතිවරයා දණ්ඩ නීති සංග්‍රහයේ ප්‍රතිපාදන සහ ජනාධිපතිවරයා තෝරාපත් කර ගැනීමේ පනත යටතේ වරදක් සිදුකර ඇති හෙයින් ඔහු අත්අඩංගුවට දෙසැම්බර් 24 වනදා නිතිපතිවරයාගේ නියෝග යටතේ අපරාධ පරීක්ෂණ දෙපාර්තුමේන්තුව වරෙන්තුවක් ලබා ගත්තේය.

අධිකරණ නියෝග යටතේ හිටපු අමාත්‍ය රාජිත සේනාරත්න අත් අඩංගුවට ගැනීමට රහස් පොලිසිය 25 බදාදා ගත් උත්සාහය ව්‍යාර්ථ වී තිබේ.

රාජිත සේනාරත්න අත් අඩංගුවට ගැනීමට ඔහු පදිංචිව සිටි බෞද්ධාලෝක මාවතේ පිහිටි නිවසට මෙන්ම බේරුවල, හෙට්ටිමුල්ල ප්‍රදේශයේ සහ වාද්දුව, පොතුපිටිය ප්‍රදේශයේ පිහිටි පෞද්ගලික නිවාස 2ක් ද සෝදිසියට ලක්කර තිබුන ද හිටපු ඇමැතිවරයා සොයා ගැනීමට නොහැකි වී ඇත.

Facebook Comments