උතුරේ කෘර අපරාධ වලට චෝදනා ලැබුවන්ට රජයේ ඉහල “පට්ටම්” දීලා – බාහු (VIDEO)

0

උතුරු පළාතේ සාපරාධි අපරාධ හා කෘරකම් සිදු කළ බවට චෝදනා ලැබ සිටින හමුදාවේ පිරිස් වෙත ඉහල නිලතල හා තානාන්තර ලබාදීම මගින් ඔවුන් සිදු කළ අපරාධ රජය අනුමත කර ඇති බව නව සම සමාජ පක්ෂ නායකයා අවධාරණය කරයි.

උතුරේ පමණක් නොව දකුනු පළාතේ සිදුවු මාධ්‍යවේදී ඝාතන, පැහැරගැනීම් ආදියට හමුදාවේ ඇතැම් කොටස් සම්බන්ධ බවට චෝදනා කරන ආචාර්ය වික්‍රමබාහු කරුණාරත්න එම සිද්ධීන් මේ වන විට හෙලිදරව් වී ඇති අතර ඔවුන්ට චෝදනා ගොනුකර එම කටයුතු ඉදිරියට ගෙන යා යුතු බව පවසනවා.

එම චෝදනා විභාග හරියාකාරව විභාග කල යුතු බවත් එම අපරාධයන් අවසානයේ හිටපු ජනාධිපතිවරයාට මෙන්ම ඔහුගේ සොයුරු හිටපු ආරක්ෂක ලේකම්වරයාටත් චෝදනා එල්ල වන තත්වයක් පවතින බවයි ආචාර්ය වික්‍රමබාහු කියා සිටියේ.

බලහත්කාරයෙන් අත්පත් කර ගෙන සිටින දෙමළ ජනතාවගේ ඉඩකඩම් ආපසු ලබා දෙන බවට රජය පොරොන්දු වී තිබුනද එම ඉඩම් බලහත්කාරයෙන් රදවා තබා ගැනීම මේ වන තෙක් නවතා දමා නැති බවට චෝදනා කරන නව සම සමාජ පක්ෂ නායකයා එම ඉඩම් නිදහස් කළ නොහැකි බවට නිලධාරීන් පවසන දේ පිළිගනිමින් ජනාධිපතිවරයා මෙන්ම අගමැතිවරයාද කර අරිමින් සිටින බවටද චෝදනා කළේය.

ඇතැම් නිලධාරින් දෙමළ ජනයාගෙන් බලහක්තාරයෙන් අල්ලා ගෙන එම ඉඩම් යොදා ගනිමින් විවිධ අක්‍රමිකතා සහ ව්‍යාපාර කටයුතු වල නිරත වන බවට තොරතුරු ලැබී ඇති බවද ආචාර්ය වික්‍රමබාහු කරුණාරත්න වැඩිදුරටත් සඳහන් කළේය.

Facebook Comments

wedding people