“මේ සම්මජ්ජාතියේ ජාතිවාදියකුට ජනාධිපතිවරණය දිනන්න බැහැ” බාහු (VIDEO)

0

වත්මන් ආණ්ඩුව ආරක්ෂා වී ඇත්තේ සුළු ජාතිකයන්ගේ පිහිටෙන් බවට වාමාංශික නායකයෙක් පෙන්වා දී තිබේ.

“මේ ආණ්ඩුව දැනට රැකිලා ඉන්නේ දෙමළ ජනතාවගේ මුස්ලිම් ජනතාවගේ පිහිටෙන්,” යැයි නව සම සමාජ පක්ෂ නායකයා ප්‍රකාශ කර ඇත.

එම සහාය ඉදිරියත් ලැබුණහොත් රනිල් වික්‍රමසිංහ මෙරට ජනාධිපති විමේ වැඩි ඉඩ කඩක් පවතින බව ආචාර්ය වික්‍රමබාහු කරුණාරත්න පසුගිය දා කොළඹ පැවති මාධ්‍ය හමුවක දී විශ්වාසය පළ කළේය.

විරුද්ධ පක්ෂයේ පිරිස් සිංහල ජන්ද වලින් ජය ගැනීමට උත්සාහ කළ ද එය නිශ්ඵල ක්‍රියාවක් බව දශක ගණනාවක් දේශපාලන අත්දැකිම් ඇති පක්ෂ නායකයා විසින් පෙන්වා දෙන ලදී.

“සමහර සිංහලයෝ අනිවාර්යයෙන්ම සම සමාජ කාරයෝ. සම සමාජ කාරයෝ දෙමළ ජනතාවගේ අයිතිවාසිකම් වෙනුවෙන් පෙනී ඉන්නවා. ඒ වගේම ලිබරල්වාදියෝ ඉන්නවා, මේ රට සිංහල,දෙමළ.මුස්ලිම් ඔක්කොගෙම එකතුවෙන් ගෙනියන්න ඕනෙ කියන අය. මේ අයයි සුළු ජාතික ජන්ද 30% එකතු කරපුවාම මේ සම්මජ්ජාතියේ ජාතිවාදියකුට දිනන්න බැහැ,” යි ආචාර්යවරයා අවධාරණය කළේය.

මහින්ද රාජපක්ෂ පවා ජනාධිපතිවරයා ලෙස පත්වුයේ එම අවස්ථාවේදී ප්‍රභාකරන් ලබා දුන් ඉඩ කඩ නිසා බව නව සම සමාජ පක්ෂ නායක අචාර්ය වික්‍රමබාහු කරුණාරත්න වැඩි දුරටත් කියා සිටියේය.

Facebook Comments

wedding people