ජනාධිපතිවරණයට පෙර යළිත් ආණ්ඩු පෙරළියක් සිදු වනු ඇති බවට පැතිර යන පුවත් අසත්‍යය බව විදුලි සංදේශ හා ඩිජිටල් යටිතල පහසුකම් අමාත්‍යවරයා ප්‍රකාශ කර තිබේ.
අග්‍රාමාත්‍යවරයා ඇතුළු අමාත්‍ය මණ්ඩල සාමාජිකයින් සමඟ තමන් නිරන්තරයෙන් සාකච්ඡා පවත්වමින් සිටින බවත් එවන් ආණ්ඩු පෙරළියක් ගැන කිසිදු ආරංචියක් තමන් වෙත නම් ලැබී නොමැති බවයි අමාත්‍ය අජිත් පී. පෙරේරා පවසන්නේ.
මෙවැනි අසත්‍ය ප්‍රචාර පතුරුවා හරිනු ලබන්නේ රට අස්ථාවර කිරීමට වුවමනා වී ඇති පාර්ශ්ව විසින් බව ද අමාත්‍යවරයා සඳහන් කළේය.
අග්‍රාමාත්‍යවරයාව තනතුරින් ඉවත් කළ හැක්කේ පාර්ලිමේන්තුව තුළින් සම්මත කෙරෙන විශ්වාසභංග යෝජනාවක් හරහා පමණක් බව ද අමාත්‍යවරයා පෙන්වා දුන්නේය.
ජනාධිපති මෛත්‍රීපාල සිරිසේන මීට පෙර හිතුවක්කාරකම් කිරීමට ගොස් පාඩම් ඉගන ගත්තේද නැද්ද යන්න තමන් නොදන්නා බව කී විදුලි සංදේශ හා ඩිජිටල් යටිතල පහසුකම් අමාත්‍ය අජිත් පී. පෙරේරා ජනපති විසින් නැවත වතාවක් එවැනි කටයුත්තක් කර රජ අරාජික නොකරනු ඇති බවට විශ්වාසය පළ කළේය.
Facebook Comments
