බ්රිතාන්යයේ ලුටන් ගුවන් තොටුපලේදී අත්අඩංගුවට ගන්නා ලද ලාංකික දෙමළ හතර දෙනෙකු පැය ගණනක් තුළ කිසිඳු චෝදනාවකින් තොරව නිදහස් කර යවා තිබේ.
ලුටන් ගුවන් තොටුපලේදී අත්අඩංගුවට ගන්නා ලද සිව් දෙනා 12 සිකුරාදා නිදහස් කර යැවු බව ලන්ඩන් අගනාගරික පොලිසිය තහවුරු කර ඇත.
තහනම් සංවිධානයක සාමාජිකයින් බවට සැක කරමින් එස පිරිස බ්රිතාන්ය ත්රස්ත මර්දන පනත උපයෝගි කර ගනිමින් අප්රියෙල් 11 රාත්රියේ අත්අඩංගුවට ගෙන තිබුණි.
කෙසේ වෙතත් ඔවුන් කවර තහනම් සංවිධානයට අයත් බවට සැක කරන්නේ දැයි එරට පොලිසිය පැහැදිලි කර නැත.
බ්රිතාන්ය භූමියේදී දෙමළ සිව් දෙනා අත් අඩංගුවට ගන්නා ලද්දේ ඔවුන් ලූටන් ගුවන් තොටුපලෙන් ගොඩ බැස එරට දේශපාලන රැකවරණ ඉල්ලා සිටීමෙන් අනතුරුව බව එයින් එක් තැනැත්තකු වෙනුවෙන් පෙනී ඉන්නා නීතිඥයකු මාධ්ය වෙත ප්රකාශ කර ඇත.
ලන්ඩනයේ ලූටන් ගුවන්තොටුපලේදී අත්අඩංගුවට ගත් ශ්රී ලාංකිකයින් සිව්දෙනා සම්බන්ධයෙන් කිසිදු තොරතුරක් දැනුම් දී නොමැති බව විදේශ කටයුතු අමාත්යංශය 15 සඳුදා මාධ්ය වෙත නිවේදනය කළේය.