ගෝඨාභය රාජපක්ෂගේ නායකත්වයෙන් බිහි වු නව රජය “විවේචකයන් සහ මානව හිමිකම් ආරක්ෂා කරන්නන් ඉලක්ක කර ගනිමින් මර්දනකාරී ක්‍රියාවලියක් දියත් කරමින් සිටී” යැයි නවතම ජාත්‍යන්තර වාර්තාවකින් අනතුරු අඟවා තිබේ.
අලුත් ආණ්ඩුවට දෙමාසයක් පිරිමටත් පෙරාතුව ජාත්‍යන්තර සත්‍ය හා යුක්තිය පිළිබඳ ව්‍යාපෘතිය – ශ්‍රී ලංකාව (ITJP) සහ ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදීන් (JDS) විසින් හවුලේ නිකුත් කරන ලද වාර්තාවකින් මේ බව අනාවරණය කර ඇත.
නව රජය ශ්‍රී ලංකාව හමුදාකරණයේ සහ ආරක්ෂක උපාය මාර්ගයට මුල පුරමින් මාධ්‍යවේදීන්, මානව හිමිකම් ආරක්ෂා කරන්නන්, නීතිඥයින්, පැමිණිලිකරුවන්, විද්වතුන් සහ විපක්ෂයේ පුද්ගලයින් බිය ගැන්විමේ භයංකාර ක්‍රියාදාමයක් ආරම්භ කර ඇති බවටයි එම වාර්තාව පෙන්වා දෙන්නේ.
පීඩාවට පත්වුවන්ගේ ආරක්ෂව පතා නම් හෙළි නොකරන ලද වාර්තාවේ සිද්ධින් 69ක් අඩංගු කර ඇති අතර ඇතැම් අවස්ථා වල එම තර්ජන වල බරපතල කම හේතුවෙන් පුද්ගලයින් රටින් පලා ගොස් ඇත බව ද ITJP සහ JDS හවුල් වාර්තාවේ සඳහන් කර ඇත.
“අපට මේ දැකගන්නට තිබෙන්නේ වගඋත්තරකාරිත්වය සම්බන්ධයෙන් දරන්නාවු කවර උත්සාහයක් වුවද සිඳ දැමීමක් සහ වඩාත් දියුණු හිරිහැරකාරී සෝදිසි කිරීම් මගින් ශ්‍රී ලංකාවේ පුරවැසි අවකාශය බරපතල ලෙස හකුලා දැමීමකි.” යනුවෙන් වාර්තාව එළිදක්වමින් නිවේදයක් නිකුත් කරන ITJP හි විධායක අධ්‍යක්ෂ යස්මින් සූකා පාස්කු ඉරිදා බෝම්බ ප්‍රහාරයෙන් පසු වැඩි කරන ලද ශ්‍රී ලංකාවට දෙනු ලබන ආරක්ෂක ආධාර මානව හිමිකම් ආරක්ෂකයන් සහ මාධ්‍යවේදීන්ට එරෙහිව යොදා නොගන්නා බවට ජාත්‍යන්තර ප්‍රජාව සහතික විය යුතු යැයි කියා සිටී.
“දුෂණ හෝ යුද අපරාධ වලට හෝ සම්බන්ධ බවට මීට ඉහත දී චෝදනා ලද පුද්ගලයෝ දැන් යළිත් බලය ලබා සිටිති. මෙතෙක් “රහස්‍ය රාජ්‍ය” ලෙසින් ක්‍රියාත්මක වු බලවේග දැන් බලතල සහිතවම විවෘතව කළ එළි බැසි සිටී.” යි පවසන JDS සංවිධානයේ රෝහිත භාෂණ එය කලක් හඬ නැඟු මාධ්‍යවේදීන්, වෘත්තිය සමිති ක්‍රියාකාරීන් හා මානව හිමිකම් ක්‍රියාධරයන් නිහැඩියාවක ගිල්වා ඇති බවයි වැඩි දුරටත් අවධාරණය කරන්නේ.
ජනාධිපති ගෝඨාභය රාජපක්ෂ සිය පැරණි හමුදා රෙජිමේන්තු සාමාජිකයින් ගණනාවක් බලධාරින් ලෙස පත් කිරීම “අඩුබඩු විහිදවීමක්” ලෙස හඳුන්වන එම සංවිධාන පොලිස් සහ බුද්ධි ක්‍රියාකාරකම් වැඩි වැඩියෙන් හමුදාකරණය කොට ඇති ආකාරයද සිය වාර්තාවේ චිත්‍රණය කොට ඇත.
Facebook Comments
