පසුගිය ජනාධිපතිවරණ සමයේ සකස් කල බව කියන කූට ලේඛනයක් සම්බන්ධ නඩුවේ සාක්ෂිකරුවන් ලෙස නම් කර ඇති ජනපති මෛත්රීපාල සිරිසේනට සහ අගමැති රනිල් වික්රමසිංහ හට අධිකරණය ඉදිරියේ පෙනී සිටින ලෙස පස් වන වතාවටත් නියෝග කර තිබේ.
2014 දෙසැම්බර් මස 31 වැනිදා හෝ ඊට ආසන්න දිනයක කොළඹදී මෛත්රීපාල සිරිසේන මහතා සහ රනිල් වික්රමසිංහ මහතා අතර ගිවිසුමක් ඇති බවට කූට ලෙස සකස් කළ ලියවිල්ලක් මාධ්‍ය වෙත ඉදිරිපත් කිරීම මඟින් දඩුවම් ලැබිය හැකි වරදක් සිදු කර ඇති බවට එක්සත් ජාතික පක්‍ෂයේ හිටපු මහලේකම් තිස්ස අත්තනායකට එරෙහිව ගොණු කර ඇති නඩුව 10 බදාදා කොළඹ මහාධිකරණ විනිසුරු විකුම් කළුආරච්චි මෙසේ නියෝග කළේය.
කූඨ ලේඛනයක් ප්‍රදර්ශනය කරමින් ජාතීන් අතර සුහදතාවය කඩා කප්පල් කිරීමට තැත් කළේ යැයි හිටපු මහලේකම් තිස්ස අත්තනායකට එරෙහිව චෝදනා නඟා ඇත.
විත්තිකරුට එරෙහිව ඉදිරිපත් කර ඇති චෝදනා තුන දණ්ඩ නීතී සංග‍්‍රහය යටතේ සහ සිවිල් හා දේශපාලනඥයින් අතර ජාත්‍යයන්තර සම්මුති පනත යටතේ දඬුවම් ලැබිය හැකි වරදවල් සිදු කර ඇති බවද නඩු ගොනුවේ සඳහන් වේ.
ලබන වසරේ ජනවාරි මස 22 වැනිදා නඩුව යළි කැඳවීමට නියෝග කල විනිසුරු එදිනට ජනපතිට හා අගමැතිට අධිකරණයේ පෙනී සිටින්නැයි නියෝග කර ඇත.
Facebook Comments
