ශ්‍රී ලංකා ප්‍රජාතාන්ත්‍රික සමාජවාදී ජනරජයේ 8 වැනි විධායක ජනාධිපති ලෙස රනිල් වික්රමසිංහ අගවිනිසුරුවරයා ඉදිරියේ දිවුරුම් දුන්නේ ය.
නව ජනාධිපතිවරයා දිවුරුම් දීමේ උත්සවය පාර්ලිමේන්තු සංකීර්ණයේදී පැවැත්විය.
ජනාධිපති රනිල් වික්රමසිංහ සහ ජනාධිපති බිරිඳ මහාචාර්ය මෛත්‍රි වික්රමසිංහ පාර්ලිමේන්තු සංකීර්ණයට පැමිණීමත් සමග අභිනව ජනාධිපතිවරයා වෙනුවෙන් හමුදා උත්තමාචාරයක් ද පිරිනැමී ය.
පාර්ලිමේන්තු සංකීර්ණයට පැමිණි රනිල් වික්රමසිංහ පිළිගනු ලැබුවේ, කතානායක මහින්ද යාපා අබේවර්ධන විසිනි.
හය වරක් අග්‍රාමාත්‍ය ධුරයෙහි කටයුතු කර ඇති රනිල් වික්රමසිංහ විධායක ජනාධිපති ධුරයෙහි දිවුරුම් දුන්නේ ප්‍රථම වතාවටයි.
අනුප්‍රාප්තික ජනාධිපතිවරයෙකු තෝරා පත් කර ගැනීම සඳහා ඊයේ (20) පැවති පාර්ලිමේන්තු ඡන්ද විමසීමේදී රනිල් වික්රමසිංහ මෙරට 08 වැනි විධායක ජනාධිපතිවරයා ලෙස තේරි පත්වූයේ, ඡන්ද 134 ක් ලබා ගනිමිනි.
මේ අතර ජනාධිපති රනිල් වික්රමසිංහ මහතා විසින් පාර්ලිමේන්තුව වාර අවසාන කිරීමට තීරණය කර ඇත.
ජනාධිපතිවරයා විසින් ඒ බව පක්ෂ නායකයන්ට ඒ බව දැනුම් දුන්නේ යයි ආණ්ඩු පක්ෂයේ ප්‍රධාන සංවිධායක ප්‍රසන්න රණතුංග සදහන් කළේය.
මාස දෙකක උපරිමකට යටත්ව ජනාධීපතිවරයාට පාර්ලිමේන්තුව වාරාවසාන කල හැක.
නව සැසි වාරය ආරම්භයේදී උපදේශක කාරක සභා හා තේරීම් කාරක සභා නැවත පත් කල යුතුය.
Facebook Comments
