ට්‍රම්ප්ගේ මුස්ලිම් විරෝධී යෝජනාවට අනුමැතිය

0
473
wedding people
Loading...

මුස්ලිම් රටවල් කිහිපයකට ඇමරිකාවට ඇතුළු වීම වැලැක්වීම සඳහා ඩොනල්ඩ් ට්‍රම්ප් යෝජනා කළ සංචාරක තහනමට එරට ශ්‍රේෂ්ඨාධිකරණය විසින් අනුමැතිය ලබා දී තිබේ.

ට්‍රම්ප් පරිපාලනය විසින් ඉදිරිපත් කළ අදාළ යෝජනාව මීට පෙර අමෙරිකානු පහළ අධිකරණයක් විසින් ව්‍යවස්ථා විරෝධී ලෙස තීරණය කර තිබුණ ද ශ්‍රේෂ්ඨාධිකරණය විසින් අදාළ යෝජනාව සඳහා අනුමැතිය ලබාදී ඇති බව විදෙස් මාධ්‍ය සඳහන් කළේය.

ඉරානය, ලිබියාව, සෝමාලියාව, සිරියාව හා යේමනය යන රටවල් වලින් පුද්ගලයින් අමෙරිකාවට ඇතුළු වීම වැලැක්වීම සඳහා ට්‍රම්ප් පරිපාලනය විසින් මෙම තහනම පනවා තිබුණි.

ශ්‍රේෂ්ඨාධිකරණයේ අදාළ තීරණය සම්බන්ධයෙන් අදහස් දක්වමින් ඩොනල්ඩ් ට්‍රම්ප් පවසා ඇත්තේ මෙය විශාල ජයග්‍රහණයක් බවයි.

මාධ්‍ය හා ඇතැම් දේශපාලන පක්ෂ අදාළ තීරණයට විවේචන එල්ල කළ ද තම රටේ ආරක්ෂාව සම්බන්ධයෙන් කටයුතු කිරීමේදී එම තීරණය නිවැරදි බවයි ඩොනල්ඩ් ට්‍රම්ප් වැඩිදුරටත් පවසන්නේ.

Facebook Comments

Loading...