මුදල් විශුද්ධිකරණය හා ත්‍රස්තවාදයට මුදල් සැපයීමේ අවධානම සම්බන්ධ අධීක්ෂණවලට අදාල තොරතුරු හුවමාරුකර ගැනීමේ අරමුණින් ශ්‍රී ලංකා මුල්‍ය බුද්ධි ඒකකය, ශ්‍රී ලංකා සුරැකුම්පත් සහ විනිමය කොමිෂන් සභාව සමග අවබෝධතා ගිවිසුමකට එළඹ තිබේ.
මෙම ගිවිසුමට අනුව සුරැකුම්පත් සහ විනිමය කොමිෂන් සභාව මුදල් විශුද්ධිකරණය හා ත්‍රස්ථවාදයට මුදල් සැපයීමේ අවධානම සම්බන්ධයෙන් අධීක්ෂණ සිදුකර එම සොයා ගැනීම් මුල්‍ය බුද්ධි ඒකකය සමග හුවමාරු කරගැනීම සිදුකෙරේ.
මෙවැනි අවබෝධතා ගිවිසුමක් මෙරටදී අත්සන් තැබුණු පලමු අවස්ථාවද මෙය බවයි ශ්‍රී ලංකා මහ බැංකුව පවසන්නේ.
ශ්‍රී ලංකා මුල්‍ය බුද්ධි ඒකකය මේ වන විට ශ්‍රී ලංකා රේගුව / ආගමන විගමන දෙපාර්තමේන්තුව / දේශීය අදායම් දෙපාර්තමේන්තුව / පුද්ගලයින් ලියාපදිංචි කිරීමේ දෙපාර්තමේන්තුව සහ ශ්‍රී ලංකා පොලිසිය සමග සහ විදේශීය පාර්ශව සමගද අවබෝධතා ගිවිසුම් වලට එළඹ සිටී.
ඉදිරියේදී ශ්‍රී ලංකා මුල්‍ය බුද්ධි ඒකකය තවත් නියාමන හා අධීක්ෂණ අධිකාරි ආයතන සමග අවබෝධතා ගිවිසුම්වලට එළඹීමට කටයුතු යොදා ඇති බවද ශ්‍රී ලංකා මහ බැංකුව වැඩිදුරටත් නිවේදනය කළේය.
Facebook Comments
