සරණගතයන් බුස්ස සිර කුටි තුල: පොලිස් ස්ථානාධිපති ‘පක්ෂග්‍රාහීයි’බවට පැමිණිල්ලක් (VIDEO)

0

එක්සත් ජාතීන්ගේ රැකවරණ යටතේ ගල්කිස්ස ප්‍රදේශයේ රෝහින්ග්‍යා සරණාගතයන් රැඳී සිටි නිවසට ආරක්ෂාව ලබාදී, ප්‍රචණ්ඩතාව මැඩපැවැත්වීමට ක්‍රියා නොකර පක්ෂග්‍රාහී ලෙස කටයුතු කළ බවට ගල්කිස්ස පොලිස් ස්ථානාධිපතිවරයාට එරෙහිව පොලිස්පතිවරයාට පැමිණිල්ලක් ගොණු කර තිබේ.

සරණාගතයන්ට එරෙහිව ප්‍රහාරය දියත් වූ අවස්ථාවේ ගල්කිස්ස මුලස්ථාන පොලිස් පරීක්ෂක රොහාන් පුෂ්පකුමාර ප්‍රහාරකයන් හමුවේ කියා සිටියේ සරණාගතයන් තම බල ප්‍රදේශය තුල රඳවා සිටි බවක් නොදැන සිටි බවයි.

කෙසේ වෙතත් නිසාම් ෂයිනාස් නීතිඥවරයා පොලිස්පතිවරයාට කරන ලද පැමිණිල්ලේ දැක්වෙන පරිදි පොලිස් ස්ථානධිපතිවරයා කර ඇත්තේ අසත්‍ය ප්‍රකාශයකි.

මිරිහාන සංක්‍රමණික රැඳවුම් කඳවුරේ සිටියදී රෝහින්ග්‍යා තරුණියක් පොලිස් නිලධාරියකු විසින් දුෂණය කරනු ලැබීමෙන් අනතුරුව සරණාගත පිරිස ගල්කිස්සේ තාවකාලිකව රඳවා තැබීමට පියවර ගනු ලැබුයේ පොලිසිය හා අදාළ සියළු ආයතන වෙත පූර්ව දැනුවත් කිරීමකින් පසුව බව නීතිඥවරයා සිය පැමිණිල්ලේ දක්වා ඇත.

“සිංහලයන් සන්නද්ධ කිරීම”

නිසාම් ෂයිනාස් නීතිඥවරයා විසින් කරන ලද තවත් පැමිණිල්ලිකින් චෝදනා කොට ඇති පරිදි රෝහින්ග්‍යාවරුන් රඳවා සිටි ගල්කිස්සේ නිවසකට පහර දීමේ අරමුණ “සිංහල තරුණයන් ආයුධ සන්නද්ධ” කිරීමයි.

“මෙම ක්‍රියාවෙන් රටේ ආරක්ෂාවට හා සාමයට රටේ ජාතිවාදී කෝලාහල ඇති කිරීමට තරුණ සිංහල පිරිස් ආයුධ සන්නද්ධ කිරීමේ අරමුණින් සිදු කරන ක්‍රියාවන් වේ,” යි පැමිණිල්ලේ සඳහන් වේ.

මෙම පැමිණිල්ලෙන් ඩෑන් ප්‍රියසාද්, අක්මීමන දයාරත්න හිමි, අරඹේපොල රතනසාර හිමි සහ සිංහලේ සංවිධානයේ ජනිත යන සිව් දෙනා ප්‍රහාරය මෙහෙය වු බවට චෝදනා කර තිබේ.

සරණාගතයන් සිරකුටි තුල

සිංහල බෞද්ධ ප්‍රහාරයෙන් පසු පොලිස් භාරයට ගත් රෝහින්ග්‍යා සරණාගතයන් බුස්ස කඳවුරේ රඳවා ඇති බව පොලිස් මාධ්‍ය ප්‍රකාශක රුවන් ගුණසේකර සිලෝන් ජර්න්ල්ස් හා කියා සිටියේය.

බිළින්දන් හා දරුවන් ඇතුළු සරණාගතයන් පිරිසට බූස්ස රැඳවුම් කඳවුරේ සිරකුටි වල සිමෙන්ති පොළොව මත රැඳී සිටින සිත් කම්පා කරවන විඩියෝ පටයක් සිලෝන් ජර්නල්ස් වෙත ලැබී ඇත.

සරණාගතයන්ගේ තත්වය සොයා බලන්නට 28 බ්‍රහස්පතින්දා ශ්‍රී ලංකා මානව හිමිකම් කොමිසමේ නියෝජිත පිරිසක් බුස්ස කඳවුරේ සංචාරයක නිරත වු බව කොමිසමේ ප්‍රකාශකයෙකු සිලෝන් ජර්නල්ස් වෙත පැවසීය.

Facebook Comments

wedding people