වත්මන් නාවික හමුදාපති වයිස් අද්මිරාල් ට්‍රැවිස් සින්නයියා හට ජනාධිපතිවරයා විසින් මාසක කාලයක සඳහා පමණක් සේවා දිගුවක් ලබා දී ඇතැයි වාර්තා වේ.
පසුගිය අගෝස්තු 22 වනදා නව නාවික හමුදාපතිවරයා සිය ධුරයට පත් වු අතර සැප්තැමිබර් 26 වැනිදා ඔහු 55 වැනි වියට පත් වීම නිසා රාජකාරි සමය අවසන් වීමට නියමිතව තිබුණි.
ඒ අනුව මාසයක පමණ කාලයක් නැවික හමුදාපති ධුරය දැරු ඔහුගේ සේව කාලය ජනාධිපතිවරයා විසින් දිගු කර ඇත්තේද 2017 ඔක්තෝම්බර් 26 වනදා දක්වා පමණක් බව නාවික හමුදා ආරංචි මාර්ග පවසයි.
මීට පෙර පත් වු නාවික හමුදාපතිවරුන් හට අවම වශයෙන් වසරක සේව දිගුවක් හිමිව තිබු අතර මාධ්‍යවේදියෙකුට පහර දීමේ චෝදනාවට ලක් වු හිටපු නාවික හමුදාපති රවින්ද්‍ර විජේගුණවර්ධන හට අවස්ථා තුනකදී සේවා දිගු ලබා දීම වත්මන් ජනපති මෛත්‍රීපාල සිරිසේන කටයුතු කළේය.
ශ්‍රී ලංකා නාවික හමුදාවේ 21 වන නාවික හමුදාපතිවරයාගේ සේවා කාලය තවදුරටත් දිර්ඝ නොකළ හොත් ඉතිහාසයේ අඩුම කාලයක් ධුරයේ රැඳී සිටි නැව්පති ලෙස වයිස් අද්මිරාල් ට්‍රැවිස් සින්නයියා ඉතිහාස ගත වනු ඇත.
“ඇමරිකානු ඒජන්තයෙකු” යැයි රාජපක්ෂ පාලනයේ දේශපාලන පළිගැනීමට ලක් ව සේවය හැර ගොස් සිටි වයිස් අද්මිරාල් ට්‍රැවිස් සින්නයියා යහපාලන රජය යටතේ ශ්‍රී ලංකා නාවික හමුදාවේ යළි සේවය පිහිටවනු ලැබීය.
Facebook Comments
