කතානායක කරු ජයසුරිය පක්ෂක්ග්‍රාහිව කටයුතු කරන බවට ඒකාබද්ධ විපක්ෂ මන්ත්‍රීවරයෙකු චෝදනා කර තිබේ.
පසුගිය වසර තුන හමාරක කාලය තුල ඒකබද්ධ විපක්ෂය විපක්ෂයේ කාර්ය භාරය අකුරටම සිදු කල බැවින් විපක්ෂ නායක ධුරය ඒකාබද්ධ විපක්ෂයට හිමි විය යුතු බවයි කෙහෙළිය රඹුක්වැල්ල මන්ත්‍රීවරයා පවසන්නේ.
පක්‍ෂග‍්‍රාහීව කටයුතු කිරීම නිසා ඉදිරියේ දී කතානායකතුමාට එරෙහිව විශ්වාසභංග යෝජනාවක් ඉදිරිපත් වුවද පුදුම වීමට හේතුවක් නැතැයි මන්ත්‍රීවරයා 01 බදාදා පැවති මාධ්‍ය හමවක දී කියා සිටියේය.
ඒකාබද්ධ විපක්ෂය හිමි විපක්‍ෂනායක ධූර ලබා නොදී පක්‍ෂග‍්‍රාහීව කටයුතු කිරීම නිසා කතානායකවරයාට ගරු කතානායකතුමනි කියා ඇමතීමට නොහැකි බවයි පාර්ලිමේන්තු මන්ත්‍රී කෙහෙළිය රඹුක්වැල්ල කියා සිටින්නේ.
“අඩුම තරමින් අපිට පාර්ලිමේන්තුවේ කතා කරන්නවත් කාලය ලැබෙන්නේ නැහැ. මන්ත‍්‍රීවරුන් 70ක් ඉන්න අපි විවාද වලදි කතාකරන්න කාලය ඉල්ලාගන්න මන්ත‍්‍රීවරුන් 16 ඉන්න සම්පන්දන් මහත්තයා ළඟ රස්තියාදු වෙන්න ඕනෑ. මේ ප‍්‍රශ්න කතානායකතුමා ඉතාම හොඳින් දන්නවා. නමුත් එතුමා පක්‍ෂග‍්‍රාහීව කටයුතු කරනවා.”
“මේ තත්ත්ව මත ඔහුට ගරු කතානායකතුමනි කියන්නත් අමාරුයි. ඔහු මේ විදියට පක්‍ෂග‍්‍රාහීව කටයුතු කරන්නේ නම් ඉදිරියේදී කතානායකතුමාට විරුද්ධව විශ්වාසභංග යෝජනාවක් ඉදිරිපත් වුවද පුදුම වෙන්න දෙයක් නැහැ.” යි මන්ත්‍රීවරයා පැවසීය.
වර්තමාන විපක්ෂ නායක හට ඇත්තේ උතුරේ ජන්ද පදනම පමණක් බැවින් ඔහු කතාකරන්නේ උතුරු නැගෙනහිර ප‍්‍රශ්න පිළිබඳව පමණක් බවට පාර්ලිමේන්තු මන්ත්‍රී කෙහෙළිය රඹුක්වැල්ල වැඩි දුරටත් චෝදනා කළේය.
Facebook Comments
