රටේ ඒකීය භාවය සුරක්ෂිත කර ගැනීමට ජිවිත රැසක් අහිමි කර ගත් එක්සත් ජතික පක්ෂය නව ව්‍යවස්ථාව හරහා රට පවා දීමට කිසිසේත්ම කටයුතු නොකරන බවට පක්ෂයේ සභාපතිවරයා සහතික වී තිබේ.
ත්‍රස්තවාදයෙන් රට මුදා ගැනීමට හැකියාවක් ලැබුණේ එක්සත් ජාතික පක්ෂය ශක්තිමත් ව්‍යවස්ථාවක් සකස් කොට තිබු නිසා බවට 01 බදාදා අස්ගිරි මහා විහාරයේදී අස්ගිරි පාර්ශවයේ මහා නායක අතිපූජ්‍ය වරකාගොඩ ඤාණරතන හිමියන් හා මල්වතු මහා විහාරයේදී එම පාර්ශවයේ මහා නායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල හිමියන් බැහැ දැකීමට ගිය උසස් අධ්‍යාපන හා මහා මාර්ග අමාත්‍ය කබීර් හෂීම් පවසා ඇත.
ව්‍යවස්ථාව අනුව බුදු දහමට ඇති ස්ථානය කිසිසේත්ම අහිමි නොවන බවත් ඇතමුන් ඒ පිළිබදව ගෙන යන ප්‍රචාරයන්හි කිසිදු සත්‍යතාවක් නොමැති බව අමාත්‍යවරයා මෙහිදි අවධාරණය කළේය.
මහනුවර නගරයේ පවතින අධික වාහන තදබදයට විසදුමක් ලබාදීම අවශ්‍ය වන බවත් නගරය තුළ වාහන ගාල් කර තැබීම නිසා මෙම තදබදය උග්‍රවී තිබීම අස්ගිරි පාර්ශවයේ මහා නායක අතිපූජ්‍ය වරකාගොඩ ඤාණරතන හිමියන් අමාත්‍යවරයාගේ අවධානයට යොමු කර තිබේ.
Facebook Comments
