මහ බැංකු බැඳුම්කර වංචාව පිළිබඳව වාර්තා කිරිමේදී මාධ්‍ය හරහා තමන්ට අසාධාරණයක් සිදුවු බවට චෝදනා කරන හිටපු මුදල් ඇමැතිවරයා අනෙක් අය හට එවැනි අසාධාරණයක් නොකර ලෙස ඉල්ලා තිබේ.
මාධ්‍යවේදීන් විසින් බැඳුම්කර සිදුවීම සම්බන්ධයෙන් හා මුදල් ගත් බවට චෝදනා එල්ල වී ඇති මැති ඇමතිවරු ගැන විමසීමේ දී රවී කරුණානායක මන්ත්‍රීවරයා කියා සිටියේ තමාව මාධ්‍ය තුළින් විශාල ලෙස අපහසුතාවයට පත් කළ බවත්, එවැනි දෙයක් වෙනත් කිසිදු දේශපාලඥයෙකුට වීමට ඉඩ නොදෙන බවයි.
“ඔබතුමාලා අසාධාරණයක් මට කරල තිබෙනවා. ඒක ජනතාවට පේන්න තිබෙනවා. ඒ නිසා අනිත් අයට ඕක කරන්න මම ඉඩ දෙන්නෙ නැහැ. ඒක ඔබතුමාල ඒගොල්ල එක්ක කරන්න මගේ තුලින් ඒ අයගේ චරිත ඝාතනය කරන්න ඉඩ දෙන්නෙ නැහැ” යි මන්ත්‍රීවරයා 10 ඉරිදා කොළඹ පැවති ඉෆ්තාර් උත්සවයකට සහභාගී වීමෙන් පසු මාධ්‍ය වෙත කියා සිටියේය.
ජනතාවගේ ඇත්ත ප්‍රශ්න සහ සංවර්ධන පිළිබඳව කතා කිරිමට වෙලාව නොයොදවා ඔපදුප හරහා රට ගෙන යාමට උත්සාහ කිරීම රටේ ඇති විශාලම ගැටලුව බව රවී කරුණානායක මන්ත්‍රීවරයා වැඩි දුරටත් කියා සිටියේය.
මේ අතර ඉදිරියේදී රවී කරුණානායක මන්ත්‍රීවරයා හට ඇමැති ධුරයක් ලැබීමට නියමිතව ඇති බව ද මාධ්‍ය වාර්තා කර තිබුණි.
Facebook Comments
