වෛද්‍ය විද්‍යාවෙත් ජාතිවදයට බෙහෙත් නැහැ – සුනිල් හඳුන්නෙත්ති (VIDEO)

0

වෛද්‍ය විද්‍යාව කෙතරම් දියුණු තලයක තිබුණද ජාතිවාදයට එරෙහිව කිසිඳු බෙහෙත් සොයා ගෙන නොමැති බව පෙන්වා දෙන ජනතා විමුක්ති පෙරමුණේ සුනිල් හඳුන්නෙත්ති මන්ත්‍රීවරයා ජාතිවාදී වෛරසය පරාජය කල හැක්කේ මනුෂ්‍යත්වයේ නාමයෙන් සියලු දෙනා එක්වීමෙන් බවයි පෙන්වා දෙන්නේ.

“නුතන වෛද්‍ය විද්‍යාවේ සෑම වෛරසයකටම බෙහෙතේ හොයාගෙන තියෙනවා. හැබැයි ජාතිවාදි වෛරසයට බෙහෙත් හොයා ගත්තෙ නැහැ නවීන විද්‍යාව. නවීන විද්‍යාවේ කිසිඳු විශේෂඥය වෛද්‍යවරයෙක් ළඟ ජාතිවාදයට විරුද්ධ බෙ‍ෙහතක් නැහැ. ඔබේ ඇගේ මගේ ඇගේ අපි කාගෙ හරි ඇඟක උපතින්ම පටන් අරගෙන මරණය දක්වා ක්‍රියාත්මක වන ජාතිවාදි වෛරසය පරාජය කල හැක්කේ මනුෂ්‍යත්වයේ නාමයෙන් අපි හැමෝම එකතු වුනොත් විතරයි” පාර්ලිමේන්තු මන්ත්‍රීවරයා කියා සිටියේය.

ජාතිවාදි වෛරසය මකා දැමිය හැක්කේ සෑම ආගමක කියා දෙන මනුෂ්‍යත්වයෙන් බව සුනිල් හඳුන්නෙත්ති මන්ත්‍රීවරයා කියා සිටියේ 10 ඉරිදා මාළිගාවත්තේ පැවති ඉෆ්තාර් උත්සවයකට එක්වෙමිනි.

බලය සඳහා මිනිසුන් බෙදා වෙන් කරන දේශපාලනකයින්ට ජාතිවාදයට එරෙහි විය නොහැකි බව පෙන්වා දුන් මන්ත්‍රීවරයා එයට පිළිතුරු දිය හැක්කේ ජාතිවාදයෙන්, ආගම්වාදයෙන් තොර සියලු දෙනාගේ නිදහසට ගරු කරන මනුෂ්‍යත්වය අගය මිනිසුන් හට පමණක් බවයි අවධාරණය කරන්නේ.

Facebook Comments

wedding people