මහින්ද රාජපක්ෂ පාලන සමය තුල සිදු කරන වංචා දුෂණ නිසාවෙන් පවු ගෙවීමට සිදුව ඇත්තේ වත්මන් රජයට හා රටේ ජනතාවට බව අගමැතිවරයා පවසයි.
වත්මන් රජය විසින් බදු වැඩි කරන ලද්දේ යහපාලන ආණ්ඩුව ලබාගත් ණය පියවීම සඳහා හෝ 2002 වර්ෂය වනතුරු පැවති යූඑන්පී සහ ශ්‍රී ලංකා ආණ්ඩු වල ණය ගෙවීම සඳහා නොවන බව අගමැති රනිල් වික්‍රමසිංහ කියා සිටි.
“මහින්ද රාජපක්ෂ මහතාගේ පව් ගෙවන්නේ අප සහ මේ රටේ මහජනතාව බව පැවසුවොත් මා නිවැරදියි. බැංකු පොලිය, බදු මුදල් ආදිය වැඩි කිරීමට සිදුවුණේ ඒ නිසයි. අප බදු මුදල් වැඩි කළා යැයි අද ඔවුන් ආණ්ඩුවට චෝදනා කරනවා. නමුත් අප බදු මුදල් වැඩිකලේ මෙම යහපාලන ආණ්ඩුව ලබාගත් ණය පියවීම සඳහා නොවෙයි. එසේත් නැතිනම් 2002 වර්ෂය වනතුරු පැවති යූඑන්පී හෝ ශ්‍රී ලංකා ආණ්ඩුවල ණය ගෙවීම සඳහා නොවෙයි.”
“ඒ සියල්ල අප සිදු කළේ රාජපක්ෂ ජනාධිපතිවරයාගේ ලෝක වාර්තාවක් වූ ණය මුදල ගෙවීමයි.” අගමැතිවරයා රංවල – ඇස්වත්ත නව පාලම විවෘත කිරීමේ අවස්ථාවට සහභාගි වෙමින් ප්‍රකාශ කළේය.
රාජපක්ෂට ප්‍රශ්නයක්
2023 වන විට කෙසේ හෝ රාජපක්ෂ පාලනය තුල ගත් ණය ගෙවා දැමීමේ අරමුණ ඇතිව වත්මන් රජය ක්‍රියා කරන බවයි අගමැතිවරයා පෙන්වා දෙන්නේ.
රජයේ ආදායමෙන් 20% අඩුකරන විට රටේ වියදම් සඳහා අවශ්‍ය මුදල් ලබාගැනීමට නැවතත් ජාත්‍යන්තරයෙන් ලබාගන්නා ණය මුදල් ප්‍රමානය වැඩි කරනවාද, එසේත් නැතිනම් රටේ සංවර්ධන වැඩකටයුතු නතර කරනවාද, යන්න අගමැතිවරයා හිටපු ජනපති මහින්ද රාජපක්ෂව ප්‍රශ්න කළේ ඒ වෙනුවෙන් පිළිතුරු ලබා දෙන ලෙස ද ඉල්ලමිනි.
බදු මුදල් 50%කින් අඩු කරන බව ඔබට පොරොන්දු විය හැකි බව කී අගමැති රනිල් වික්‍රමසිංහ එය ප්‍රායෝගික නොවන බවත් හිටපු ජනාධිපතිවරයා බදු මුදල් 20% අඩු කරන්නේ කෙසේද යන්න දැනගැනීමට කැමැත්තෙන් සිටින බවට වැඩි දුරටත් කියා සිටියේය.
Facebook Comments
