වෙනම රාජ්‍යය අතහැර සිටින දෙමළ ජනතාව හට ෆෙඩරල් ව්‍යවස්ථාවක් හරහා විසඳුම් ලබා දෙන ලෙස උතුරු පළාත් මහ ඇමැතිවරයා ඉල්ලා සිටි.
ෆෙඩරල් ව්‍යවස්ථාව පල දැරුවොත්, දෙමළ ඩයස්පෝරාව මහා පරිමාණයෙන් ආයෝජනය සඳහා ඇදී එනු ඇති බවට මහ ඇමැති සී වී විග්නේස්වරන් ව්‍යාපාර ප්‍රධානීන්, රජයේ නිලධාරීන් හා ආර්ථික විශේෂඥයන් ඇතුළු සභාවක් හමුවේ ඉමහත් විශ්වාසයක් පල කළේය.
“බෙදුම්වාදය වෙනුවෙන් හඬ නැගීමෙන් බැහැර වී සිටින අපි අපත්, මුළු මහත් රටත් සංවර්ධනය කිරීමට මග සලසන ෆෙඩරල් ව්‍යවස්ථාවකට ජනතාවගේ සහාය දිනා සිටින්නෙමු,” යි උතුරු මහ ඇමැතිවරයා පවසයි.
විශාල වශයෙන් උතුරේ රඳවා ඇති හමුදා බල ඇණි වලට විරෝධය පල කරන මහ ඇමැතිවරයා යුද හමුදාව සමාන කොටස් නමයකට බෙදා රටේ පළාත් නමයේ විසුරුවා හරින ලෙස යෝජනා කර සිටියේය.
Facebook Comments
