රජයේ රෝහල් වල ඖෂධ හිඟ නොවීම පුද්ගලික ඔසුසල් වල ආදායම හිඟ කරලා – සුව ඇමැති

0

රජයේ රෝහල් වල ඖෂධ හිඟ නොවීම හේතුවෙන් ඔසුසල් වල ආදායම ද අඩු වී තිබෙන බව සුව ඇමැතිවරයා පවසයි.

නගර තුළ ඔසුසල් වැඩි වීම ‍නිසා ගුණාත්මක සේවාවක් සිදු කිරීමට නොහැකි තත්ත්වයක් මතුව ඇති බව පෙන්වා දෙන ඇමැති රාජිත සේනාරත්න එම නිසා සියලු ම ඔසුසල් නියාමනය කළ යුතු බව කියා සිටී.

රාජ්‍ය ඖෂධ නීතිගත සංස්ථා ඔසුසල්වල අලෙව් කරන ඖෂධ වර්ග 450 ක් අතරින් ඖෂධ වර්ග 114 කට සියයට 18 ක වට්ටම් මුදලකට පුද්ගලික ඔසුසල් හට ලබාදෙන බව සෞඛ්‍ය, පෝෂණ හා දේශීය වෛද්‍ය අමාත්‍යවරයා කියා සිටියේ 14 සඳුදා පෞද්ගලික ඔසුසල් හිමියන් සමග පැවති සාකච්ඡාවකදීය.

මීට අමතරව ඔසුසල් ලියාපදිංචි කිරිමට අය කල රුපියල් 18,000 ක ගාස්තුව රුපියල් 7500 ක් දක්වා අඩු කිරිමට සහ ඖෂධ තොග සහ සිල්ලර වශයෙන් පවත්වාගෙන යන වෙළෙද සල් ලියාපදිංචි කිරීමේ රුපියල් 38,750 ක් වන ගාස්තුව රුපියල් 10,000 දක්වා අඩු කරන ලෙස ජාතික ඖෂධ නියාමන අධිකාරියේ සභාපතිවරයාට දැනුම් දුන් බවද සෞඛ්‍ය අමාත්‍යංශය පවසයි.

Facebook Comments

wedding people