ශ්‍රී ලංකාවේ පොලිසිය සහ බන්ධනාගාරය විසින් සිදුකරන ලද බවට චෝදනා නැගෙන අනීතික ඝාතන හා වධහිංසා සම්බන්ධයෙන් සිරකරු අයිතිවාසිකම් වෙනුවෙන් පෙනී සිටින මෙරට ප්‍රමුඛතම සංවිධානයක් එක්සත් ජාතීන්ගේ සංවිධානයට විශේෂ වාර්තාවක් ලබා දී තිබේ.
සිරකරු අයිතිවාසිකම් සුරැකීමේ කමිටුවේ (CPRP) අධ්‍යක්ෂ මණ්ඩල සභාපති සුදේශ් නන්දිමාල් සිල්වා ජිනීවා නුවර සිට විඩියෝ නිවේදනයක් ඔස්සේ ජනමාධ්‍ය වෙත දැනුම් දී ඇත්තේ ජිනීවාහි රැස්වන එක්සත් ජාතීන්ගේ මානව හිමිකම් කවුන්සලයට තම වාර්තාව බාරදුන් බවයි,
“ලංකාවේ මේ සිද්ධ වෙච්ච අමානුෂික ඝාතන පොලීසිය සහ බන්ධනාගාරය අතින් සිද්ධ කරපු මේ නීතියෙන් පිට අනීතික ඝාතන සම්බන්ධවත් අපි කරුණු ඉදිරිපත් කළා.”
සුදේශ් නන්දිමාල් සිල්වා එහිදී වැඩි දුරටත් අවධාරණය කළේ වධහිංසාව සම්බන්ධයෙන් අධිකරණයෙන් වරදකරුවෙකු කර සිටින පුද්ගලයකු පොලිස්පති ලෙස පත් කිරීම සම්බන්ධයෙන්ද තවත් සංවිධාන දෙකක් හා එක්ව වාර්තාවක් බාර දුන් බවයි.
“සිරකරු අයිතිවාසිකම් සුරැකීමේ කමිටුවත්, ඒ වගේම සමාජ හා සාමයික කේන්ද්‍රයත්, ඒ වගේම පැක්ස් රොමානා සමාගමත් සමග එක්ව අපි ලියවිල්ලක් හදලා එක්සත් ජාතීන්ගේ මානව හිමිකම් කවුන්සිලයේ විශේෂ වාර්තාකරුට බාර දුන්නා.”
දහතුන් වසකරට ඉහත දී පුද්ගලයකුට ලිංගික හිංසන ඇතුළු වධ බන්ධන සිදු කිරීම සහ ඒ වෙනුවෙන් නිලධාරීන්ට අණ ලබා දීම සම්බන්ධයෙන් අධිකරණයෙන් වැරදි කරුවකු වු දේශබන්දු තෙන්නකෝන් ගේ පුද්ගලික මුදලින් වින්දිතයාට වන්දි ගෙවන ලෙස පසුගිය දෙසැම්බර් මාසයේදී අධිකරණය නියෝග කර තිබුනි.
විදෙස්ගතව සිට ශ්‍රී ලංකාවට එන පිරිස් බලහත්කාරයෙන් පැහැර ගන්නා බවටත් චෝදනා කරන සිරකරු අයිතිවාසිකම් සුරැකීමේ කමිටුවේ අධ්‍යක්ෂ මණ්ඩල සභාපති සුදේශ් නන්දිමාල් සිල්වා ජිනීවා නුවර සිට නිකුත් කළ වීඩියෝව පහතින්,
Facebook Comments
