විල්පත්තු වනයේ වන සංහාරයක් සිදු වන බවට අසත්‍ය ප්‍රචාරයන් පතුරවමින් සිංහල මුස්ලිම් ජාතිවාදී කුමන්ත්‍රණයක් ක්‍රියාත්මක වන බවට විල්පත්තු වනයේ නැවත පදිංචි කිරීම් සිදු කරන බවට චෝදනා ලබා සිටින ඇමැතිවරයා ප්‍රකාශ කර තිබේ.
දේශපාලනික වශයෙන් තමන් සමඟ තරහක් ඇත්නම් පුද්ගලිකව පළිගන්නා ලෙසත් සිංහල මුස්ලිම් සහජීවනය විනාශ නොකරන ලෙසත් අමාත්‍ය රිෂාඩ් බදියුදීන් ඉල්ලීමක් කර ඇත.
සමාජ මාධ්‍ය ඔස්සේ මෙලෙස අසත්‍ය ප්‍රචාර පතුරුවන ලබන්නේ යම් කිසි අදිසි හස්තයකින් බව අමාත්‍යවරයා 20 බදාදා කොළඹ අල් හික්මා විද්‍යාලයේ පැවති උත්සවයකදී කියා සිටියේය.
“මේ විදියට සමාජ මාධ්‍ය හරහා වැරදි පූර්වාදර්ශ සපයපු නිසා තමයි පසුගිය කාලයේ නුවර තෙල්දෙනිය , ගිංතොට වගේ ප්‍රදේශ වල ගැටුම් ඇතිවුනේ. විල්පත්තුව ප්‍රශ්නයක් කරලියට ගෙනවිත් මුස්ලිම් ජනතාව හා සිංහල ජනතාව බිදවීමේ කුමන්ත්‍රණයක් ක්‍රියාත්මක වෙනවා කියලයි අපිට දැනෙන්නේ.”
දේශපාලන කුමන්ත්‍රණය පැවති අවස්ථාවේදී තමන් හරි පැත්තේ සිටගත් බව කී අමාත්‍ය රිෂාඩ් බදියුදීන් අරුවක්කාලු කසල ගැටලුව වෙලාවෙදිත් පුත්තලමේ අහිංසක ජනතාවගේ පැත්ත ගන්නා බව ද අවධාරණය කළේය.
Facebook Comments
