බොහෝ දේශපාලකයන් විසින් සෑම විටම ජාතිවාදය පෝෂණය කර ඇත්තේ දේශපාලන බලය ලබා ගැනීමට බව පවසන සමාජ සවිබල ගැන්වීම් හා උඩරට උරුමයන් පිළීබද අමාත්‍යවරයා ලෝකයේ සියළු අන්තවාදී හැගීම් බිහි කළේ ඔවුන්ගේ බලය තහවුරු කර ගැනීම සදහා බවට පෙන්වා දෙයි.
අමාත්‍යවරයා මෙම අදහස් පළ කළේ, 23 සිකුරාදා මධ්‍යම පළාත් සභා ශ්‍රවණාගාරයේදී පැවති මධ්‍යම පළාතේ පළාත් පාලන ආයතන සදහා තේරීපත් වූ මහජන නියෝජිතයන් දිව්රුම්දීමේ උත්සවයට සහභාගී වෙමිනි.
2015 බලයට පත් වූ වත්මන් රජය පළාත් පාලන ආයතන සදහා කොට්ඨාශ ක්‍රමය හදුන්වා දීමට කටයුතු කළ බවත්, මීට පෙර රජයන් කිහිපයක් ඊට උත්සාහ ගත්තද එය අසාර්ථක වූ බව පෙන්වා දුන් අමාත්‍යවරයා, පනතේ ඇති යම් යම් විකෘති තත්වයන් තව දුරටත් සංශෝධනය කොට ඉදිරියේදී වඩාත් සුදුසු මැතිවරණ ක්‍රමයක් හදුන්වා දෙන බවද මෙහිදී පැවසීය.
මෙම දිවුරුම්දීමේ අවස්ථාවේදී මධ්‍යම පළාතේ මහනුවර, මාතලේ ,සහ නුවරඑළිය යන දිස්ත්‍රික්ක සදහා තේරීපත් වූ පළාත් පාලන ආයතන නියෝජිතයන් 149 ක් දිවුරුම් දීම සිදු විය.
Facebook Comments
