දින ගණනාවක් ඉන්ධන පෝලිම්වල සිටින මහජනතාව අතර පොලීසිය හා හමුදාව සමග ගැටුම් ඇති කරගැනීමේ පෙළඹිමක් දක්නට ඇති බවට මෙරට ප්‍රකට වෘත්තීය සමිති නායකයකු අනතුරු අඟවා තිබේ.
ජනතාව සහ පොලීසිය අතර ගැටුම ආණ්ඩුවේ විසින් තමන්ගේ වාසියට ගෙන ජනතාව නීතිය කඩකරන බවට චෝදනා කරමින් ඔවුන් මර්ධන කිරීමට උත්සහා දරන බවටයි සෞඛ්‍ය වෘත්තීයවේදීන්ගේ විද්වත් සංගමයේ, සභාපති, රවි කුමුදේශ් චෝදනා කරන්නේ.
පොලීසිය හෝ හමුදාව විසින් එම ගැටුම් වලක්වා ගැනීම සඳහා ගිනිඅවි පාවිච්චි කිරීමෙන් පසු ඇති වන තත්ත්වයෙන් පසු පොලීසියේ හෝ හමුදාවේ ජීවිත හානියක් වීමට ඉඩහැර ජනතාව මර්ධනය කිරීමට පහසුම ක්‍රමය ආණ්ඩුව දන්නා බව පවසන සමිති නායකයා එවැනි තත්ත්වයක් ඇතිකිරිමෙන් වැළකි සිටින ලෙස මහජනතාවගේ ඉල්ලා සිටි.
”ගැටුම් වර්ධනය කර ගිනි අවි පෙන්නලා මිනිස්සුන්ට තර්ජනය කරන්න පොලිස්සියට කිසිම අයිතියක් නෑ. මේ අර්බුදය හැදුවේ මේ රටේ සාමාන්‍ය මිනිස්සු නෙවේ. ඒ නිසා ඔය ගිනි අවි මේ අර්බුදය හදපු මිනිස්සුන්ගේ දිහාවට එල්ල කරන ලෙසත්, පොලිස් නිල ඇදුම අතුලේ ඉන්නෙත් මේ රටේ සාමාන්‍ය මිනිස්සු, ඔවුන් විදින පීඩාව ඇතුලේ, සංයමය තව කොච්චර කල් දරාගෙන ඉන්න පුළුවං වෙයිද කියන්න අමාරුයි.”
තවද මහජනතාවගේ අත්‍යාවශ්‍ය වුවමනාවන් කළමණාකරණය සදහා ආණ්ඩුවට වැඩපිලිවෙලක් නොමැති තත්වයක් යටතේ පොලිස් නිළධාරීන්ට ආණ්ඩුවේ කාර්‍යභාරය සිදු කිරීමට කිසිසේත්ම නොහැකි තත්වයක් යටතේ මෙවන් ගැටලු දුරදිග යෑමට පවතින ඉඩ කඩ ඉතා වැඩි බවයි රවී කුමුදේශ් පෙන්වා දෙන්නේ.
එවන් ගැටුමක් හරහා යම් ව්‍යසනකාරී තත්ත්වයක් රටතුල ඇති වුවහොත්, මෙම තත්වය පාලනය කිරීමට පියවර නොගනිමින් සිටින පොලිස් ප්‍රධානීන් සහ රජය එහි වගකීම බාර ගතයුතු බවයි ඔහු වැඩිදුරටත් නිවේදනය කරන්නේ.
Facebook Comments
