“බෙලි කපන” තානාපති බ්‍රිගේඩියර්ට ලන්ඩන් උසාවියෙන් වරෙන්තු

0
639
wedding people
Loading...

ලන්ඩනයේ උද්ඝෝෂණයක යෙදුන දෙමළ ජනයා වෙත ගෙල සිඳින අභිනවයක් පෑ බ්‍රිගේඩියර් ප්‍රියංක ප්‍රනාන්දු ඇප නැතිව අත් අඩංගුවට ගැනීමේ වරෙන්තුවක් බ්‍රිතාන්‍ය අධිකරණයක් විසින් නිකුත් කර තිබේ.

බ්‍රිතාන්‍ය රාජ කුමාරයකු ද කැඳවාගෙන ශ්‍රී ලංකාවේ හැත්තෑ වන නිදහස් දිනය සැමරීමට විරෝධය පල කරමින් බ්‍රිතාන්‍යයේ පිහිටි ශ්‍රී ලංකා මහ කොමසාරිස් කාර්යාලය ඉදිරිපිට විරෝධතාවයක් පැවැත්වු දෙමළ උද්ඝෝෂකයන්ගේ “ගෙල සිඳින” බවට තර්ජනය කල බවට ආරක්ෂක කටයුතු පිළිබඳ හිටපු අමාත්‍ය උපදේශක ආඬිගේ ප්‍රියංක ඉඳුනිල් ප්‍රනාන්දුට එල්ල වුනු චෝදනාවට ඔහු වරදකරු බව වෙස්ට්මින්ස්ටර් මහේස්ත්‍රාත් අධිකරණයේ විනිසුරු තුන් කට්ටුවක් විසින් තීරණය කරන ලදී.

ඔහුට එරෙහිව නඩු පවරා තිබුනේ පල්ලියගුරුගේ විනෝද් ප්‍රියන්ත පෙරේරා, ගෝකුලක්‍රිෂ්ණන් නාරායනසාමි සහ මයුරන් සදානන්දන් යන තිදෙනාය.

කෙසේ වෙතත් බ්‍රිගේඩියර් ප්‍රියංක ප්‍රනාන්දු හෝ ඔහුගේ නියෝජිතයකු හෝ අධිකරණයේ පෙනී සිටියේ නැත.

ඔහු අධිකරණයට කැඳවීම සඳහා ඔහුගේ නිවෙසට මෙන්ම ලන්ඩනයේ ශ්‍රී ලංකා මහ කොමසාරිස් කාර්යාලයටත් සිතාසි භාර දුන් බව පැමිණිල්ලේ නීතිඥයන් දැනුම් දුන්නත් ශ්‍රී ලංකා යුද හමුදාව පවසන්නේ තමන්ට එම සිතාසිය ලැබී නැති බවයි.

බ්‍රිගේඩියර්වරයාට විරුද්ධව නඩු පවරා ඇත්තේ බ්‍රිතාන්‍යයේ මහජන ආරක්ෂාව පිළිබඳ පනත යටතේය.

Facebook Comments

Loading...