නොබෙල් සාම ත්‍යාග ප්‍රදානය සඳහා නිර්දේශිත පුද්ගල ලැයිස්තුවේ මාස හතක කාලයක් තිබුනු ශ්‍රී ලංකාවේ ජනාධිපතිවරයාගේ නම ඉවත් කර තිබේ.
පෙබරවාරියේ සිට සාම සම්මානයට සුදුස්සන්ගේ ලැයිස්තුවේ තිබු ජනපති මෛත්‍රීපාල සිරිසේනගේ නම ගල්කිස්ස රෝහින්ග්‍යා ප්‍රහාරයට පසුදා එම ලේඛනයෙන් ඉවත් කර ඇත.
ජනාධිපතිවරයා හට නොබෙල් සාම ත්‍යාගය පිරි නැමීම මඟින් “ප්‍රායෝගික නායකයන් සම්භාවනාවට පත් කිරීමේ චිරාගත සම්ප්‍රදාය රැකීමත්, තිරසාර සාමයට සංහිඳියාව මගපාදන ආකාරය දෙසට අවධානය යොමුවීමත් සිදුවනු ඇති,” යි සාම පර්යේෂණ ආයතනයේ හිටපු අධ්‍යක්ෂ ක්‍රිස්තියන් බරික් හාප්විකන්ගේ විශ්වාසය විය.
කොටි සංවිධානය පරාජය කිරීමට යුද්ධයක් දියත් කල පසුගිය රජයේ කොටස්කාරයකු වීම නිසා ජනාධිපති මෛත්‍රීපාල සිරිසේන ද විවේචනයට ලක් ව ඇති නායකයෙකු ලෙසද ජනාධිපතිවරයා සාම ත්‍යාගයට සුදුසු පුද්ගලයකු ලෙස නම් කල හේතු පාඨයේ දක්වා තිබුණි.
කෙසේ වෙතත් සැප්තැම්බර් 27 වනදා යාවත්කාලීන කරන ලද අදට ගැළපෙන සුදුසුම ලැයිස්තුවෙන් ජනාධිපතිවරයාගේ නම ඉවත් කිරීමට සිදු වු බව නෝර්වේහි ඔස්ලෝ අගනුවර සාම පර්යේෂණ ආයතනයේ ප්‍රකාශකයෙකු සිලෝන් ජර්නල්ස් හා කියා සිටියේය.
Facebook Comments
