ආණ්ඩුවේ මාධ්‍ය ප්‍රචාරණය මංගලට

0
691
Ivory Agency Sri Lanka
wedding people

යහපාලන ආණ්ඩුවට එල්ල වන මාධ්‍ය ප්‍රහාරයන්ට එ‍රෙහිව ඊට පිළිතුරු සැපයීමේ මාධ්‍ය මෙහෙයුම යහපාලන ආණ්ඩුව පිහිටවීමට ප්‍රමුඛ සේවාවක් කළ විදේශ කටයුතු අමාත්‍ය මංගල සමරවීර හට පවරා ඇති බව දේශපාලන ආරංචි මාර්ග පවසයි.

ජනාධිපතිවරයා සහ අගමැතිවරයා විසින් ඇමතිවරයා හට මෙම වගකීම බාර ගන්නා ලෙසට ඔහුගෙන් ඉල්ලා ඇත.

ආණ්ඩුවේ මතය නිවැරදිව ජනතාව වෙත ගෙන යැමට දැනට ආණ්ඩුව සතු මාධ්‍ය අසමත් වීම හේතුවෙන් මෙසේ මංගල සමරවීර හට මෙම මෙහෙයුම බාර දී ඇති බවටයි වාර්තා වන්නේ.

මහින්ද රාජපක්ෂ ජනාධිපති කර වීමට මංගල සමරවීර හා රුවන් ෆර්ඩිනැන්ඩස් වීශාල මාධ්‍ය මෙහෙයුමක නිරත වු අතර මහින්ද රාජපක්ෂ මර්දනය හමුවේ යහපාලන රජය බිහි කරවීමටද ඔවුන් දෙදෙනාගේ මාධ්‍ය මෙහෙයුව රුකුලක් විය.

යහපාලන ආණ්ඩුව විසින් රටට ඵලදායී වැඩ කොතෙකුත් කලද එහි මාධ්‍ය ප්‍රචාරණය ඉතාමත් දුර්වල බවයි දේශපාලන විචාරකයින් පෙන්වා දෙන්නේ.

මාධ්‍ය මෙහෙයුම මංගල හා රුවන් යටතට පත්වීමත් සමඟ යහපාලන ආණ්ඩුව වඩාත් ශක්තිමත්ව නැවත ගොඩනැ‍ගෙන රාජපක්ෂ කල්ලියට එරෙහිව නිවැරදී මාධ්‍ය මෙහෙයුමක් දියත් කරනු ඇති බවට දේශපාලන විචාරකයින් විශ්වාසය පළ කරයි.

Facebook Comments