රාජ්‍ය සේවයේ ක්‍රීඩක ක්‍රීඩිකාවන් දිරිගැන්වීමට සෞඛ්‍ය ඇමැතිගෙන් යෝජනා

0

රාජ්‍ය අංශයේ සිටින ක්‍රීඩක ක්‍රීඩිකාවන්ට වරප්‍රසාද හා දිරිගැන්වීම සඳහා ක්‍රමෙවිදයක් සකස් කළ යුතු බව මෙන්ම ක්‍රීඩා කෞෂල්‍යයන් මත උසස්වීම් සහ වැටුප් වර්ධක ලබාදීමේ දී ලකුණු ලබාදීමේ ප්‍රමුඛත්වයක් ඇති කළ යුතු බව සෞඛ්‍ය, පෝෂණ හා දේශීය වෛද්‍ය අමාත්‍යවරයා යෝජනා කර සිටින බව රජය පවසයි.

රාජ්‍ය සේවකයින්ට එවැනි දිරිගැන්වීමේ ක්‍රමවේදයක් ක්‍රියාත්මක කිරීමේ යෝජනාව අමාත්‍ය මණ්ඩලයට යොමු කිරීමට තමන් කටයුතු කරන බව සෞඛ්‍ය, පෝෂණ හා දේශීය වෛද්‍ය අමාත්‍ය වෛද්‍ය රාජිත සේනාරත්න කියා සිටියේ ශ්‍රී ලංකා පදනම් ආයතනයේ පැවැති රාජ්‍ය ඖෂධ නීතිගත සංස්ථාවේ වර්ණ සම්මාන ප්‍රදානෝත්සවයට සහභාගි වෙමින්ය.

ශරීර සෞඛ්‍ය රැකියාවක් කිරීමේ දී ඉතාම වැදගත් බව සහ ක්‍රීඩා කරන අයගේ බුද්ධිය සහ අධ්‍යාපන දැනුම ඉතා වැඩි බව පර්යේෂණවලින් සොයාගෙන තිබෙන බවයි අමාත්‍යවරයා මෙහිදී පෙන්වා දී ඇත්තේ.

විදේශීය රටවල උසස්වීම් ලබාදෙන්නේ ඡ්‍යෙෂ්ඨත්වය මත හා දක්ෂතා මත වන අතර අපේ රටේ වෘත්තීය සටන් සිදු කළොත් තමයි උසස්වීම් ලබාදෙන බැව් පවසන ඇමති රාජිත සේනාරත්න කැපවී රාජකාරී කරන රාජ්‍ය සේවකයින් සහ සමාජ සේවා කටයුතු සිදු කරන පුද්ගලයින් ඇගයීමට ලක් කළ යුතු බවටද අවධාණය කළේය.

Facebook Comments

wedding people