ඇප කොන්දේසි සපුරාලීමට අපහොසත් වීම නිසා රිමාන්ඩ් කරන ලද හිටපු ක්‍රීඩා ඇමැති මහින්දානන්ද අලුත්ගමගේ විදෙස් ගමන් බලපත්‍රයට අදාළ ලියකියවිලි ඉදිරිපත් කිරීමෙන් පසුව ඇප මත මුදා හැර තිබේ.
පොලිස් මූල්‍ය අපරාධ විමර්ශන කොට්ඨාසය විසින් ඊයේ අත්අඩංගුවට ගන්නා ලද හිටපු ඇමැතිවරයාට රුපියල් 35,000ක මුදල් සහ රුපියල් ලක්ෂ පහ බැගින් වූ ශරීර ඇප දෙකක් මත මුදා හැරීමට කොටුව මහේස්ත්‍රාත් ලංකා ජයරත්න
16 සඳුදා නියම කල ද ඇප කොන්දේසි සපුරාලීමට නොහැකි වු නිසා රක්ෂිත බන්ධනාගාර ගත කරන ලදී.
කෙසේ වෙතත් ඇප කොන්දේසියට අදාළ ලියකියවිලි 17 අඟහරුවාදා අධිකරණය ඉදිරිපත් කිරිමෙන් පසු මන්ත්‍රීවරයා හට ඇප ලබා ගත හැකි විය.
2014 වසරේ ක්‍රීඩා අමාත්‍යවරයාව සිටියදී කැරම් බෝඩ් 14,000 ක් සහ දාම් බෝඩ් 11,000 කට වැඩි ප්‍රමාණයක් මිලදී ගැනීමේදී රුපියල් මිලියන 39 ක මුදලක් අවභාවිත කර ඇති බවට පාර්ලිමේන්තු මන්ත්‍රී මහින්දානන්ද අලුත්ගමගේ හට චෝදනා එල්ල වී ඇත.
Facebook Comments
