හතකට මරු කැඳවු බන්ධනාගාර බස් රථයට වෙඩි තැබීම පාතාල ගැටුමක්

0

ම්.පී. අරුණ දමිත් උදයංග පතිරණ හෙවත් සමයං නැමැති පාතාල සාමාජිකයා ඇතුලු 07 කට මරු කැඳවමින් බන්ධනාගාර බස් රථයට එල්ල කල ප්‍රහාරයක් පාතාල කල්ලි අතර ගැටුමක ප්‍රතිළුලයක් බව පොලිසිය පවසයි.

පාතාල කල්ලි නායකයෙකු වන අරුණ දමිත් උදයංග පතිරණ හෙවත් සමයං, ඔහුගේ සමීපතම ගෝලයින් ලෙස සැලකෙන තවත් රැඳවියන් 4 දෙනෙකු, බන්ධනාගාර නිලධාරීන් දෙදෙනෙකු මිය ගිය පිරිස අතර වේ.

කළුතර රෝහලට ඇතුළත් කිරීමෙන් අනතුරුව එක් බන්ධනාගාර නිලධාරියකු මියගොස් ඇති අතර කොළඹ ජාතික රෝහලට ඇතුළත් කිරීමෙන් අනතුරුව අනෙක් නිලධාරියා මියගොස් තිබේ.

වෙඩි තැබීමෙන් තුවාල ලැබූ බන්ධනාගාර නිලධාරීන් සිව් දෙනකු බරපතල් ත්ත්වයෙන් රෝහලේ ප්‍රතිකාර ලබන බවද පොලිසිය පවසයි.

දැනට අනාවරණය වී ඇති කරුණු අනුව මෙම සැකකරුවන් පොලිස් නිල ඇඳුමට සමාන නිල ඇඳුමින් පැමිණි ඇතැයි සැක කරන අතර සැකකරුවන් පැමිණි කැබ් රථය සොයාගෙන පොලිස් භාරයට ගෙන ඇති අතර එහි ලියාපදිංචි අයිතිකරු ද හඳුනාගෙන තිබේ.

සිද්ධය සම්බන්ධයෙන් කොළඹ අපරාධ කොට්ඨාසය විසින් පරීක්ෂණ ආරම්භ කර ඇති අතර සමයං නැමැති පාතාල සාමාජිකයාට විරුද්ධව ක්‍රියාත්මක වූ කණ්ඩායමක් පිළිබඳව හඳුනාගෙන ඇතැයිද පොලිසිය කියා සිටි.

ආරක්ෂාව ප්‍රමාණවත් නැහැ

කළුතර බන්ධනාගාරයේ සිට සිරකරුවන් පිරිස ප්‍රවාහනය කිරීමේදී පොලිස් ආරක්ෂාව ලබා දී තිබුණේ නම් බන්ධනාගාර රථයට එල්ල වූ ප්‍රහාරය වළක්වාගත හැකිව තිබූ බවට බන්ධනාගාර කටයුතු පිළිබඳ අමාත්‍ය ඩීඑම් ස්වාමිනාදන් පවසයි.

“සාමාන්‍යයෙන් මෙවැනි බරපතල චෝදනා ලත් පාතාල සාමාජිකයන් රැගෙන යාමේදී විශේෂ පොලිස් ආරක්ෂාවක් ලබාගැනීම බන්ධනාගාර දෙපාර්තමේන්තුවෙන් සිදු කරන අතර පොලිස් නිලධාරීන්ගේ හිඟකම නිසාවෙන් ආරක්ෂාව ලබාදිය නොහැකි බව පොලිසිය විසින් ඊයේ දිනයේදී දැනුම් දී ඇත,”යනුවෙන් අමාත්‍යවරයා මෙන්වා දෙන්නේ සිද්ධිය සම්බන්ධයෙන් නිවේදනයක් නිකුත් කරමිනි.

සිද්ධිය පිළිබඳව වැඩිදුර පරීක්ෂණ පැවැත්වීම සඳහා අමාත්‍යවරයා විසින් හිටපු මහේස්ත්‍රාත්වරයකුගේ ප්‍රධානත්වයෙන් යුතු ත්‍රිපුද්ගල කමිටුවක් පත්කර ඇත.

මියගිය බන්ධනාගාර නිලධාරීන් වෙනුවෙන් වන්දි ඇතුළු වරප්‍රසාද ලබාදීමට කටයුතු කරන බවද අමාත්‍ය ඩීඑම් ස්වාමිනාදන් නිකුත් කළ නිවේදනයේ වැඩිදුරටත් සඳහන්වේ.

Facebook Comments