බංගලාදේශය හමුවේ ශ්‍රී ලංකාව පරදී

ආසියානු කුසලාන තරගාවලිය ආරම්භ කරමින් පැවති පළමු තරගයෙන් ශ්‍රී ලංකාවට එරෙහිව විශිෂ්ඨ ජයක් හිමිකරගැනිමට බංගලාදේශ කණ්ඩායම සමත් විය.

ඒ ශ්‍රි ලංකා කණ්ඩායම ලකුණු 137කින් පරාජයට පත් කරමින්.

තරගයේ කාසිය වාසිය දිනා පළමුවෙන් පන්දුවට පහරදුන් බංගලාදේශ කණ්ඩායම පන්දුවාර 49යි පන්දු 3ක් අවසනානයේ සියල්ලන් දැවී ලකුණු 261ක් ලබා ගැනීමට හැකි විය.

එහිදී විශිෂ්ඨ පිතිහරඹයක නිරත වූ බංගලාදේශ පිතිකරු මුෂ්ෆිකර් රහීම් පන්දු 155 කදී රැස්කල ලකුණු සංඛ්‍යාව 144 ක්.

වසරකට පමණ පසු ජාත්‍යන්තර ක්‍රිකට් පිටියට පිවිසි ලසිත් මාලිංග විශිෂ්ඨ පන්දු යැවීමක නිරත වෙමින් ලකුණු 24කට කඩුලු 4ක් බිද හෙලීය.

ලකුණු 262ක ජයග්‍රාහී ඉලක්කයක් හඹාගිය ශ්‍රී ලංකාවට පන්දුවාර 35යි පන්දු දෙකකදී සියල්ලන් දැවී රැස්කිරීමට හැකිවුණේ ලකුණු 124ක් පමණයි.

කුෂල් පෙරේරා ලකුණු 29ක් සහ උපුල් තරංග ලකුණු 27ක් රැස්කළා.

ශ්‍රී ලංකා කණ්ඩායමේ අනෙක් කිසිදු පිතිකරුවෙකු ලකුණු 20 සීමාව පසුකිරීමට සමත් වුණේ නොවීය.