රාජපක්ෂ සමයේ අපරාධකරුවන් රකින බවට ජනපතිට චෝදනාවක්

0

රාජපක්ෂ පාලන සමය තුල සිදුවු අපරාධ සම්බන්ධව වගකිව යුතු පුද්ගලයින් ජනාධිපති මෛත්‍රීපාල සිරිසේන විසින් ආරක්ෂ කරන බවට ජනධිපතිවරයා බලයට පත් කිරීමට වෙහෙස වු සිවිල් සංවිධාන චෝදනා කර තිබේ.

ජනාපතිවරයා විසින් රාජපක්ෂවරුන්ට නීතිය ක්‍රියත්මක නොවන බවට කර ඇති ප්‍රකාශය “හතර බීරි කතාවක්” ලෙස හැඳින්වු පුරවැසි බලය සංවිධානයේ මහාචාර්ය සරත් විජේසුරිය අපරාධ පරීක්ෂණ දෙපාර්තුමේන්තුව විසින් අදාළ චුදිතයන්ට එරෙහිව නීතිය ක්‍රියාත්මක කරන විට ජනපති එයට දරුණු ලෙස බලපෑම් කරන බව හෙළි කළේය.

“අපරාධ පරීක්ෂණ දෙපාර්තුමේන්තුව අදාළ චුදිතයන් පිළිබඳව විමර්ශණ සිදු කරල අධිකරණයට ඉදිරිපත් කරන්නට සුදානම් වෙනකොට ජනාධිපතිවරයා දරුණු ලෙස බලපෑම් කරනව ඒ අයව අත්අඩංගුවට ගන්නට එපා. මේ පසුබිම තුල කොහොමද යුක්තිය පසිඳලන්නේ.” යි මහාචාර්යවරයා කොළඹ පැවති මාධ්‍ය හමුවකදී ප්‍රශ්න කර සිටියේය.

සන්ඩේ ලීඩර් ආරම්භක කර්තෘ ලසන්ත වික්‍රමතුංග ඝාතනය, ද නේෂන් පුවත්පතේ හිටපු සම සංස්කාරක නොයාර්ට පහර දීම, මාධ්‍යවේදී ප්‍රගීත් එක්නැලිගොඩ පැහැරගැනීම සහ කොළඹ හා ඒ අවට දී එකොලොස් දෙනකු පැහැරගෙන ගොස් ඝාතනය කිරීම සම්බන්ධයෙන් වත්මන් ආණ්ඩුව බලයට පත්වූ පසු සැකපිට අත් අඩංගුවට ගන්නා ලද කිසිවකුටත් එරෙහිව නඩු පවරා නොතිබීම ගැන ජනාධිපතිවරයා පසුගිය දා මාධ්‍ය ප්‍රධානීන් සමඟ පැවති හමුවේදී රහස පොලිසිය හා නීතිපති දෙපාර්තමේන්තුව ජනාධිපතිවරයාගේ දැඩි දෝෂ දර්ශනයට කර තිබුණි.

ඔහු විසින් නම් කරන ලද සියලුම අපරාධ සම්බන්ධයෙන් පාහේ කෙරෙන විභාග ඇණහිටීමට ප්‍රධාන හේතුව ලෙස අපරාධ පරීක්ෂණ දෙපාර්තමේන්තුව විසින් අධිකරණයට කිහිපවර දැනුම් දී තිබුනේ ආරක්ෂක ලේකම්වරයා ඇතුළු හමුදා ප්‍රධානීන් සහයෝගය නොදැක්වීමය.

රාජපක්ෂ පාලන සමයේ අපරාධකරුවන් ආරක්ෂා කරමින් නීතිය ක්‍රියාවට නංවන නිලධාරින්ට දොස් නැගීම ජනාධිපතිවරයාගේ පටු දේශපාලන අරමුණක් බවයි පුරවැසි බලය සංවිධානයේ මහාචාර්ය සරත් විජේසුරිය අවධාරණය කරන්නේ.

ජනපති මෛත්‍රීපාල සිරිසේන විසින් කැඳවු හදිස්සි කැබිනට් හමුවේ අරමුණ ආරක්ෂක මාණ්ඩලික ප්‍රධානී අද්මිරාල් රවි විජේගුණරත්න ඔහුට එල්ල වී ඇති චෝදනා වලින් බේර ගැනීම බව කියා සිටි‍යේය.

හමුදා වලින් යම් තොරතුරක් අධිකරණයට ඉල්ලා සිටි නම් සේනාධි නායකයා වශයෙන් ජනාධිපතිවරයා විසින් ඒවා ලබා දී ත්‍රිවිධ හමුදාවේ කීර්තිනාමය ආරක්ෂ කර ගත යුතු බව මහාචාර්යවරයා පෙන්වා දුනි.

යුක්තිය පසිඳලීමේ ක්‍රියාවලිය සියලු පුරවැසියන්ගේ ජිවිත වලට තර්ජනයක් බවත් මෙය වැඩි කල් නොගොස් අකමැති පුද්ගලයන්ව මහ මඟ මරා දැමීම දක්වා වර්ධනය විය හැකි බවට පුරවැසි බලය සංවිධානයේ මහාචාර්ය සරත් විජේසුරිය වැඩ දුරටත් අනතුරු ඇඟවීය.

Facebook Comments

wedding people