අසත්‍ය ප්‍රචාර පතුරවමින් රට තුල ජාතිවාදී හා ආගම්වාදී ගැටුම් ඇති කරවීමට පොහොට්ටු පක්ෂයේ මන්ත්‍රීවරයෙකු උත්සාහ දරන බවට චෝදනා කර ආණ්ඩුවේ ප්‍රබල ඇමැතිවරයෙකු රහස් පොලිසියට පැමිණිල්ලක් කර ඇත.
පුද්ගලික රූපවාහිනි නාළිකාව සාකච්ජාවකට එක්වෙමින් රාජපක්ෂ කණ්ඩායම නියෝජනය කරන එක්සත් ජනතා නිදහස් සන්ධාන කළුතර දිස්ත්‍රික් පාර්ලිමේන්තු මන්ත්‍රී පියල් නිශාන්ත කල ප්‍රකාශයක් සම්බන්ධව මුදල් අමාත්‍ය මංගල සමරවීර රහස් පොලිසියට පැමිණිල්ල ගොණු කර තිබේ.
“සමස්ත රටම භීතියට පත්වන සිදුවීමක් සිදුව තිබෙනවා. ඒ කල්මුණේ සයින්දමරදු කියන ප්‍රදේශයේ අපේ මේ ආදරණීය රට බේරාගත්ත, ජීවිත කැප කරලා, ලේ විලක්, අමු සොහොනක් වෙලා තිබුණු රට බේරාගත් රණවිරුවන් 11ක් මියගිහින් තියනවා.” යැයි මන්ත්‍රීවරයා ස්වර්ණවාහිනී රූපවාහිනීයේ 26 සිකුරාදා පැවති වැඩසටහනකට එක්වෙමින් කියා තිබුණි.
රටේ ජනතාව තුළ අනවශ්‍ය භීතියක් ඇති කිරීමේ සහ ජාතිවාදී හෝ ආගම්වාදී මතයක් පැතිරවීමේ අපේක්ෂා සහගතව, ජනතාව නොමග යැවීමේ අරමුණින් යුතුව පියල් නිශාත්න මන්ත්‍රීවරයා එම ප්‍රකාශය කරන ලද බවයි ඇමැතිවරයා ගොණු කල පැමිණිල්ලේ සඳහන්ව ඇත්තේ.
පියල් නිශාන්ත මන්ත්‍රිවරයා විසින් සිදුකරන ලද ප්‍රකාශය හා ඊට පාදක වූ රහස්‍ය අරමුණක් වූවේ නම් ඒ සම්බන්ධයෙන් කඩිනම් පරීක්ෂණයක් සිදුකොට වහාම අවශ්‍ය නීතිමය පියවර ගැනීමට කටයුතු කරන ලෙසට මංගල සමරවීර ඇමැතිවරයා සිය රහස් පොලිසියෙන් ඉල්ලා ඇත.
Facebook Comments
