සිසු නායකයා පැහැර ගැනිමේ උත්සාහය “රජයට එරෙහි පොලිස් කුමන්ත්‍රණයක්” – මංගල (VIDEO)

0

ජනාධිපතිවරයා විසින් අතුරුදහන් වුවන් පිළිබඳ වු කාර්යාලිය පනත බලාත්මක කරමින් එයට අත්සන් තැබු දිනයේම සුදු වෑන් කල්ලියක් විසින් වෛද්‍ය පිඨ සිසු නායකයා පැහැර ගැනීමට යෙදු අසාර්ථක උත්සාහය රජයට එරෙහි පොලිස් කුමන්ත්‍රණයක් බවට ජනමාධ්‍ය හා මුදල් අමාත්‍යවරයා සැක පල කරයි.

වෛද්‍ය පීඨ ශිෂ්‍ය ක්‍රියාකාරී කමිටුවේ කැඳවුම්කරු රයන් ජයලත් පැහැරගැනීමට ගත් උත්සාහය තමන් තරයේ හෙලා දකින බව කී මංගල සමරවීර ඇමතිවරයා එම සිදුවීම පොලීසියේ යම් යම් පුද්ගලයන් විසින් රජය අපකීර්තියට පත් කිරීම සදහා කළ ක්‍රියාවක් ලෙසට හැඳින්විය.

මෙම සිදුවීම පිළිබඳව පොලිස්පතිවරයාගෙන් විමසු බැව් පවසන මංගල ඇමතිවරයා සිද්ධිය සම්බන්ධයෙන් කරුණු සොයා බලා අදාල නිලධාරීන්ට විනයානුකූලව කටයුතු කරන බවට පොලිස්පති පුජිත ජයසුන්දර පොරොන්දු වු බවද කියා සිටියි.

වාහනයේ අයිතිය

සිසු නායක රයන් ජයලත් පැහැර ගැනීමට පැමිණි සුදු වෑන් රථය මුදල් අමාත්‍යාංශයට අයත් යැයි අගවමින් සමාජ ජාල වෙබ් අඩවිවල පළ කර ඇති පුවත මුදල් හා ජනමාධ්‍ය අමාත්‍යාංශය තරයේ ප්‍රතික්ෂේප කර ඇත.

මෙම රථය පසුගිය රජය සමයේ තීරු බදු සහන යටතේ ගෙන්වන ලද වාහනයක් බවයි නිවේදයක් නිකුත් කරමින් මුදල් අමාත්‍යංශය පවසන්නේ.

තීරු බදු රහිතව වාහන ආනයනය කිරීමේ දී පනවා ඇති එකම කොන්දේසිය වන්නේ මුදල් අමාත්‍යාංශයේ අනුමැතියකින් තොරව ඒවා අන්සතු කිරීම, අලෙවි කිරීම සහ බදු දීම කළ නොහැකිය යන්න පමණක් බව පවසන මුදල් අමාත්‍යංශය එවන් කොන්දේසි තිබූ පමණින් එම වාහනය කිසිසේත් තම අමාත්‍යාංශය සතු වාහනයක් නොව බවද කියා සිටියි.

 

Facebook Comments

wedding people