ඉන්දීයාවේ නව දිල්ලි නුවර පැවති 3 වැනි ජාත්‍යන්තර ස්වාධීන චිත්‍රපට උළලේදී රටවල් 34 කින් ඉදිරිපත් කළ චිත්‍රපට 400ක් අතුරින් ශ්‍රී ලාංකාවේ කෙටි චිත්‍රපටයක් පළමු ස්ථානය දිනා ගැනීමට සමත් විය.
ඇමෙරිකාව, එංගලන්තය, මෙක්සිකෝව, බ්‍රසීලය, ප්‍රංශය, ජර්මනිය, ෆින්ලන්තය, සහ ඉන්දියාව ඇතුළු රටවල් 34ක් මේ සඳහා චිත්‍රපට ඉදිරිපත් කළ අතර ශ්‍රී ලංකාව නියෝජනය කරමින් ඉදිරිපත් වු “නිහඩ ලිපිය” නොහොත් “SILENT LETTER” නම් වූ කෙටි චිත්‍රපටයට මෙසේ පළමු ස්ථානය හිමිව ඇත.
මෙම කෙටි චිත්‍රපටය තිර රචනය කොට නිෂ්පාදනය කරන ලද්දේ ආධුනික සිනමාකරුවකු වන තිවංක රුක්ෂාන් පෙරේරා විසින් වන අතර මෙය අධ්‍යක්ෂණය කර ඇත්තේ ප්‍රවීණ රංගන ශිල්පියෙකු වන කමල් අද්දරච්චි විසිනි.
ඇමෙරිකා එක්සත් ජනපදයේ සැන් ෆ්‍රැන්සිස්කෝ නගරයෙහි (San Francisco) සිනමා කලාව හා තිර රචනය පිළිබඳ ගෞරව උපාධි ලත් රුක්ෂාන් පෙරේරා දැනට වෘතාන්ත චිත්‍රපට කිහිපයක් රචනා කොට ජාත්‍යන්තර සිනමා නිෂ්පාදන සඳහා ඉදිරිපත් කරමින් සිටී.
Facebook Comments
