ශ්‍රීලනිප පිරිසක් ජාතික ආණ්ඩුවට

0

ශ්‍රී ලංකා නිදහස් පක්ෂයේ පිරිසක් එක්සත් ජාතික පෙරමුණ විසින් ගොඩනඟන ජාතික ආණ්ඩුවට එක්වීමට බලාපොරොත්තුවෙන් සිටන බවට එක්සත් ජනතා නිදහස් සන්ධාන පාර්ලිමේන්තු මන්ත්‍රීවරයෙකු පවසයි.

ජනාධිපතිවරයා විසින් සිදු කරනු ලැබු ව්‍යවස්ථා විරෝධී ක්‍රියාවට එරෙහි ශ්‍රීලනිප කණ්ඩායමක් මෙසේ ජාතික ආණ්ඩුව සමඟ එක්වන බව මනුෂ නානායක්කාර මන්ත්‍රීවරයා ගාල්ලේ දී මාධ්‍ය වෙත පැවසීය.

“පොහොට්ටුව ගෙන යන වැඩපිළිවෙලට විරුද්ධව මේ ගෙන ගිය වැඩපිළිවෙළට විරුද්ධව ජනවාරි 08 වෙනිදා ලබා ගත්ත ජයග්‍රාහණය එක්ක යන්න ඕනෙ කියන විශ්වාස කරන, ඒ වගේම ඔක්තෝබර් 26 වෙනිදා සිද්ධ වෙච්ච ප්‍රජාතන්ත්‍රවාදී විරෝධි වැඩපිළිවෙලට විරුද්ධ කණ්ඩායමක් එකතු වෙලා ඉන්නවා.”

කෙසේ වෙතත් එය ශ්‍රීලනිප පිරිසක් එජාපයට එකතු වීමක් නොවන බව පෙන්වා දෙන මන්ත්‍රීවරයා එය මෙම පක්ෂ දෙක එකතුවන පුළුල් සංන්ධානයක් බවයි කියා සිටියේ.

ශ්‍රී ලංකා නිදහස් පක්ෂය මෙන්ම අනෙකුත් පක්ෂ වලද පිරිස් එකතු කර ගනිමින් වැඩ කිරිමේ අදහසින් ජාතික ආණ්ඩුවක් නිර්මාණය කිරිමේ අරමුණ බව මනුෂ නානායක්කාර මන්ත්‍රීවරයා වැඩි දුරටත් කියා සිටියේය.

Facebook Comments

wedding people