දෙමළ ඉල්ලීම් ඉටු කිරිම පිළිබඳ සහතියක් ලබාදෙන ලෙස ප්‍රධාන සිංහල අපේක්ෂකයන් වෙත උතුරෙන් යෝජනාවක් ඉදිරිපත් වී තිබේ.
එම පොරොන්දු ලබා දුන්නොත් ඉල්ලා අස්වීමට සුදානම් බව ජනාධිපතිවරණයට තරඟ වඳින එම් කේ සිවාජිලිංගම් පවසයි.
“ස්ථිර විසඳුම පස්සේ බලමු. තාවකාලිකව හරි මොනවද දෙන්නේ කියලා කීවොත්, අපි ඉල්ලා අස්වෙනවා,” යි හිටපු පාර්ලිමේන්තු මන්ත්‍රීවරයා යාපනයේදී මාධ්‍යවේදීන් අමතා කියා සිටියේය.
දෙමළ ජනතා අයිතිවාසිකම් සුරැකෙන සහතිකය ලබා දිය යුත්තේ යාපනය සරසවි සිසුන්, උගතුන් හා බුද්ධිමතුන් සමග ජාත්‍යන්තර නියෝජිතයන් හමුවේ බවටයි ඔහු යෝජනා කරන්නේ.
තමන් ජනාධිපතිවරණයට ඉදිරිපත් වී සිටින්නේ මුදලට යැයි කෙරෙන චෝදනා ප්‍රතික්ෂේප කළ එම් කේ සිවාජිලිංගම් එසේ නම් ඉල්ලා අස් වීමට හැකියාවක් නැතැයි තර්ක කළේය.
Facebook Comments
