ජාතිවාදී මානසිකත්වය ඇතිවු පසු මිනිසුන් මරා දමමින් දේපල විනාශ කිරිමට මානසිකත්වය සාදන බවත් එවැනි දෙයක් බෞද්ධ ශාසනය තුලින්ම එය මතුවීම මහා ඛේදවාචකයක් බව සෞඛ්ය, පෝෂණ හා දේශීය වෛද්ය අමාත්යවරයා පවසයි.
කිසිඳු රටක් ජාතිවාදයෙන් ආගම්වාදයෙන් ගොඩ නැංවී නැති බව කී රාජිත සේනාරත්න අමාත්යවරයා “ජර්මනිය විනාශ වුනෙත් ජාතිවාදය නිසා. ජාතිය ආරක්ෂා කරන්න ගියාම කුරිරු තත්ත්වයට පත් වෙනවා. වෙළෙදසැල් විනාශ කරනවා. මිනිසුන් ඝාතනය කරනවා. අපේ රටේ ජාතිය ගොඩනගන්න ගියාමත් මිනිස්සු මැරුවා. අද ශාසනයෙන්ම එය ප්රචාරය කරනවා නම් මහා ඛේදවාචකයක්.” යැයි කියා සිටියේය.
ජාතිවාදය යනු ශරීරය පුරාම ඇතිවන රෝගයක් බව 25 සඳුදා හොරණ මදුරාවල අම්පිටිගල විහාරස්ථානයේ රන්වැට සහ බෝධි ප්රාකාරය විවෘත කිරිමට එක්වෙමින් සෞඛ්ය, පෝෂණ හා දේශීය වෛද්ය අමාත්ය දොස්තර රාජිත සේනාරත්න පැවසීය.
ජාත්යන්තරවාදය දේශනා කළ දර්ශනයක් සහිත ආගමක අනු නායක හිමි නමක් විසින් හිට්ලර් වෙන්න යැයි අනුසාශන කිරිමට තරම් ජාතිවාදය කුරිරු බව අමාත්යවරයා අවධාරණය කළේය.
තමන් රාජපක්ෂ රජයට විරුද්ධව සටනට පිවිසියේද එම පාලනයේ තිබු ජාතිවාදය නිසා බව සෞඛ්ය, පෝෂණ හා දේශීය වෛද්ය අමාත්ය දොස්තර රාජිත සේනාරත්න වැඩි දුරටත් කියා සිටියේය.
Facebook Comments
![wedding people](https://www.ceylonnews.lk/wp-content/uploads/2019/01/121212-1.gif)