යෝජිත නව ව්‍යවස්ථා කෙටුම්පත ජුලි මාසය අවසන් වන විට සකස් කර අවසන් කිරීමට හැකිවනු ඇතැයි නව ව්‍යවස්ථාවට මහජන අදහස් ලබා ගැනීමේ කමිටුවේ සභාපතිවරයා විශ්වාසය පල කර තිබේ.
කෙටුම් පත ව්‍යවස්ථා සභාවට ඉදිරිපත් කිරිමෙන් අනතුරු ජනතාව වෙත ඉදිරිපත් කරන බව අධි නීතීඥ ලාල් විජේනායක මහනුවරදී මාධ්‍යය අමතමින් කියා සිටියේය.
මෙරට සෑම ජන කොටසකම එකඟත්වය ඇතිව යෝජිත නව ව්‍යවස්තාව සකස් විය යුතු බව පෙන්වා දෙන නිතිඥවරයා පටු දේශපාලන අරමුණු වලින් තොරව ශ්‍රී ලංකික අනන්‍යතාවයක් ගොඩ නැගීමේ අදහසින් සියලු දෙනා ක්‍රියා කල යුතු බවයි අවධාරණය කරන්නේ.
ජනතාව අතර මේ ගැන සාකච්ඡාවක් වෙන්නට ඕනේ. මේ රටේ හැම ජන කොටසකම එකඟත්වය ඇතිව තමයි ආණ්ඩුවක්‍රම ව්‍යවස්ථාවක් හදන්නට ඕනෙ. අවශ්‍ය වෙන්නෙ පටු දේශපාලන මතිමතාන්තර වලින් මිදිලා රටේ ශ්‍රී ලාංකීය අනන්‍යතාවයක් ඇති ජාතියක් ගොඩ නැගීමේ අරමුණ ඇතිව හැමෝම ක්‍රියා කරනවා නම් ඒ ප්‍රශ්නය එච්චර අමාරු ප්‍රශ්නයක් නෙමේ. යි අධි නීතීඥ ලාල් විජේනායක සඳහන් කළේය.
වසර අවසන් වීමට පෙර යෝජිත නව ව්‍යවස්ථා කෙටුම් පත ව්‍යවස්ථාවක් සභාවට ඉදිරිපත් කර නව ආණ්ඩුක්‍රම ව්‍යවස්ථාවක් නිර්මාණය කර ගැනීමට හැකි වනු ඇති බවට නව ව්‍යවස්ථාවක් සඳහා මහජන අදහස් ලබා ගැනීමේ කමිටුවේ සභාපති අධි නීතීඥ ලාල් විජේනායක වැඩි දුරටත් විශ්වාසය පල කළේය.
Facebook Comments
