හිටපු අමාත්‍යවරයකුගේ දුරකතන සංවාද ඔස්සේ ප්‍රසිද්ධියට පත් වී ඇති වැරදි හෙළි කරගත් ආකාරය සොයනු වෙනුවට එම වැරදි වලට ක්‍රියාමාර්ග ගැනීම සිදු කළ යුතු බවට වාමාංශික නායකයෙක් පෙන්වා දී තිබේ.
රන්ජන් රාමනායක මන්ත්‍රීවරයා විවිධ උපක්‍රම භාවිතා කරමින් සියලු තැන්හි දුෂණ අක්‍රමිකතා හෙළිදරව් කරගෙන ඇති බව පවසන නව සම සමාජ පක්ෂ නායකයා එම හෙළිදරව් කිරිම් නිසා ඔහුට පහර එල්ල කිරීම දැඩිව හෙළා දැක තබේ.
“මේ රටේ ඉතාම පැහැදිලිව සිදුවන අක්‍රමිකතා පාර්ලිමේන්තුවේ වෙන්න පුලුවන්, අධිකරණයේ වෙන්න පුලුවන් වෙනත් තැනක වෙන්න පුලුවන් වෙනත් සංවිධාන වල වුනත් ඒවා ගැන හොයා බලලා ඉතාම සුක්ෂම ක්‍රම වලින් ජනතාවට හෙළිදරව් කිරීමට රන්ජන් රාමනායකට හැකි වුනා. අපි ස්තුති වන්ත වෙනවා ඒ වගේ රටේ තියන තත්ත්වය හෙළි කිරීමට දේශපාලන නායකයෙක් ඉදිරිපත් වෙලා වැඩි කටයුතු කිරීම.”
“එතුමාගේ ක්‍රියා පිළිවෙතේදී එතුමා නාට්‍ය කරන ස්වාභාවයට කවටකම් කරමින් නොයෙකුත් දේවල් කරමින් තමයි ඒවා ඉදිරිපත් කරන්නේ. ඒක එයාගේ ශෛලිය,” යැයි ආචාර්ය වික්‍රමබාහු කරුණාරත්න 09 බ්‍රහස්පතින්දා කොළඹ දී මාධ්‍ය වෙත කියා සිටියේය.
වැරැද්ද හෙලිදරව් කිරීමට ගත් ක්‍රියාමාර්ග කුමක්ද යන්න සොයා බැලීමට වඩා වැරදි පෙන්වා දුන් පසුව වැරැද්ද නිවැරදි කළ යුත්තේ කෙසේ දැයි සොයා බැලීම වඩා වැදගත් වන බවයි නසසප නායකයා පෙන්වා දෙන්නේ.
සත්‍යතාවයක් හෙළිකිරිම නිසාවෙන් රන්ජන් රාමනායක හිටපු අමාත්‍යවරයා හට මුර බල්ලන් සේ කෑගැසීම කණාගාටුදායක තත්ත්වයක් බව නව සම සමාජ පක්ෂ ප්‍රධාන ලේකම් ආචාර්ය වික්‍රමබාහු කරුණාරත්න වැඩි දුරටත් අවධාරණය කර සිටී.
Facebook Comments
