ජාතික නායකත්වයක අතවශ්‍යතාවයක් පවතින බැවින් කළුතර දිස්ත්‍රික්කයෙන් ජනාධිපතිවරයකු බිහි කර ගත යුතු බවට සිංහල බෞද්ධ දැඩි මතධාරි සංවිධානයක නායක හිමිනමක් රාජිත සේනාරත්නට අනුශාසනා කර තිබේ.
රාජිත සේනාරත්න පදනම විසින් 21 ඉරිදා සංවිධානය කළ ආගමික උත්සවයක දී අනුශාසනාව පවත්වමින් සිහල රාවය සංවිධානයේ මාගල්කන්දේ සුදත්ත හිමියන් මේ බව වැදැරුහ.
“අපේ ඇමැතිතුමනි කළුතර දිස්ත්‍රික්කයෙන් අගමැතිවරු බිහි වුනා. කළුතර දිස්ත්‍රික්කයට දැන් අතවශ්‍යයි රටට ජනාධිපතිවරයෙක්. කළුතර දිස්ත්‍රික්කයට දිස්ත්‍රික් ජනාධිපතිවරයෙකු පත් කර ගන්නට යම් වැඩ කටයුත්තක් සිදු කළ යුතුයි.”
ජාතික නායකත්වයක් පිළිබඳව රටේ ලොකු හිඩසක් ඇති බව කී සිහල රාවය සංවිධානයේ මහලේකම් මාගල්කන්දේ සුදත්ත හිමියන් එම නායකත්වය කළුතර දිස්ත්‍රික්කයෙන් ලබා දිය යතු යැයි වැඩි දුරටත් අනුශාසනා කළේය.
Facebook Comments
