පොදු දේපල පනත යටතේ හිටපු ආරක්ෂක අමාත්‍යංශයේ ලේකම් ගෝඨාභය රාජපක්ෂට එරෙහිව නීතිය ක්‍රීයාත්මක කිරීම තාවකාළිකව වළක්වාලමින් අභියාචනාධිකරණය අතුරු තහනම් නියෝගයක් නිකුත් කර ඇත.
තමාට එරෙහිව නීතිමය පියවර ගැනීම වැළක්වීමේ නියෝගයක් නිකුත් කරන ලෙස ඉල්ලමින් හිටපු ආරක්ෂක අමාත්‍යංශ ලේකම්වරයා අභියාචනාධිකරණයට ගොනුකළ පෙත්සම සලකා බලමින් 29 බදාදා අධිකරණය මෙම නියෝගය නිකුත් කළේය.
ඩී. ඒ. රාජපක්ෂ අනුස්මරණ කෞතුකාගාරය ඉදිකිරීමේදී රජයේ මුදල් සාවද්‍ය ලෙස පරිහරණය කළ බවට චෝදනා කරමින් පොදු දේපොළ පනත යටතේ අධිකරණයට කරුණු දක්වා ඇති බව පෙත්සම්කාර පාර්ශ්වය පෙන්වා දී ඇත.
අදාළ පෙත්සම ලබන 06 වනදා යළි කැඳවීමට නියම කළ අභියාචනාධිකරණය විරෝධතා ඇත්නම් එදිනට ඉදිරිපත් කරන ලෙස නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල්වරියට දැනුම් දී තිබේ.
අතුරු තහනම් නියෝගයක් ප්‍රකාශයට පත් කළ අභියාචනාධිකරණය යළි පෙත්සම විභාග කරන දියේ පෙනී සිටින මෙන් නීතිපතිවරයා හා පොලිස්පතිවරයා ඇතුළු වග උත්තරකරුවන්ට නොතීසි නිකුත් කළේය.
Facebook Comments
